Фота: lrmuitine.lt
14 студзеня літоўскія мытнікі арыштавалі кантрабанду цыгарэтаў з Беларусі, якія былі вельмі хітра схаваныя ў жалезабетонныя блокі. Пра гэта паведамляе прэс-служба ведамства.
Гэта першая для літоўскіх мытнікаў буйная партыя кантрабандных цыгарэт у гэтым годзе — 30 тысяч пачкаў на 106 тысяч еўра.
Усё адбылося ў чыгуначным пункце пропуску на станцыі Кена. Спачатку нічога не здалося дзіўным: будаўнічая кампанія адправіла з Беларусі цягніком 68 штук падмуркавых блокаў.
Аказалася, пад пластом жалеза і бетону схаваныя цыгарэты. Гэта выявілася пасля ўзважвання двух, здавалася б, аднолькавых блокаў. Толькі розніца ў вазе паміж імі склала каля 100 кг.
Каб дастаць цыгарэты, прыйшлося ўзяцца за інструмент і нямала папрацаваць: прабіць бетон, прапілаваць жалезную арматуру і «скрыначку» з металу, у якой знаходзіўся сам тавар.
Мытнікі ўпэўненыя, што кантрабанду схавалі ўнутр падчас адліўкі блокаў: з-за парушанай ізаляцыі «скрыначкі» некаторыя цыгарэты апынуліся мокрымі.
Як адзначаюць у ведамстве, кантрабанда цыгарэт па чыгунцы — адзін з трэндаў апошніх гадоў. Падобныя блокі затрымлівалі і раней: летам у грузавіку з Беларусі так дасталі прыкладна 79 тысяч пачкаў цыгарэт. Падвох заўважылі, калі ў звычайна суцэльных блоках выявіліся запоўненыя чымсьці паражніны.
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…