«Зрабіў будан, там і Новы год сустрэў». 21-гадовы юнак з Ліды два тыдні хаваўся ў лесе

31 снежня знік 21-гадовы Максім П. з Ліды. Хлопец пайшоў на працу, у саўгас «Лідскі», але там так і не з’явіўся.

Максім П.
Знайшлі яго толькі праз 13 дзён. Увесь гэты час Максім хаваўся ў лесе. «Наша Н**а» звязалася з Максімам. Ён расказаў, што проста пайшоў у лес, не ведае нават, колькі прайшоў. Пасля зрабіў сабе будан, у якім і жыў.

«Есці я купіў па дарозе: кансервы збольшага. Купіў яшчэ гарэлкі. Шампанскага не браў, але Новы год і так сустрэў нармальна. Тэлефона з сабою не было, таму надыход Новага года я вызначыў па месяцы. Выпіў гарэлкі і пайшоў спаць. Я зрабіў будан з галля. Там і начаваў», — распавёў Максім.

Максім быў апрануты ў куртку-спяцоўку з надпісам «ДРСЧ-48», чорную шапку, спартыўныя штаны і гумовыя боты. Але, кажа, не замёрз і нават не прастыў. З працы, дарэчы, яго таксама не звольнілі.

«Днямі я проста бадзяўся па лесе. За вадою выходзіў у вёску, у калодзеж, пасля вяртаўся ў лес. Пасля мяне міліцыя знайшла, папрасілі вярнуцца дадому. Ветліва прасілі: я ж нічога такога не зрабіў».

У выніку хлопец паслухаў і прыйшоў дахаты.

Што стала прычынай яго ўцёкаў, Максім расказваць не захацеў: «Гэта дробязь, няважна». Але запэўнівае, што паўтараць прыгоды не плануе.

Падзяліцца

Апошнія запісы

На Ласасянцы з’явяцца масткі і пляж. Там будзе парк адпачынку на Фолюшы

У мікрараёне Фолюш у Гродне ўзвядуць парк адпачынку. Яго хочуць зрабіць камфортным для моладзі і…

29 красавіка 2025

У цэнтры Гродна закрылася крама спорттавараў, якая працавала больш за 30 гадоў

Гродзенцы звярнулі ўвагу, што з будынка па вуліцы Ажэшкі, 42 знікла шыльда «Спорттавары». Instagram-акаўнт крамы…

28 красавіка 2025

Фільм на кітайскай раскажа пра Гродна і яго «інвестыцыйную прывабнасць»

Іміджавы фільм аб інвестыцыйнай прывабнасці Гродна задумалі ў гарвыканкаме. На яго выдаткуюць бюджэтныя грошы. Відэа…

28 красавіка 2025

У Гродне з’явіўся амерыканскі дэсерт — печыва з рознымі начыннямі

У Гродне пачалі прадаваць «крамбл кукіс» — амерыканскае печыва з рознымі дадаткамі і салодкімі топінгамі.…

28 красавіка 2025

Назву гурта Dzieciuki і яго сацсеткі прызналі «экстрэмісцкімі». Падобна, што «экстрэмісцкай» стала і першая беларускамоўная газета

Сацсеткі панк-гурта з Гродна Dzieciukі і сам гэты надпіс у Беларусі прызналі "экстрэмісцкімі матэрыяламі". Паводле фармулёўкі…

27 красавіка 2025

Нерухомасць тыдня: у Гродне прадаюць дом з ажурным балконам за 60 метраў ад Нёмана

У Гродне на продаж выставілі дом на 2-м Падольным завулку - па суседстве з рэстаранам…

26 красавіка 2025