Колькі елак купілі ў Гродзенскай вобласці і якія елкі выбіраюць жыхары

Па выніках рэалізацыі навагодніх дрэў, лесагаспадарчымі ўстановамі было прададзена 139 996 елак і соснаў, паведамілі ў прэс-службе Мінлясгаса. Больш актыўна прыярытэт жывым атрыбутам святаў аддавалі жыхары Мінскай і Гродзенскай абласцей: тут было рэалізавана 32 128 і 30 917 навагодніх дрэў адпаведна, піша zviazda.by.

У цэлым, попыт на дрэвы ў гэтым годзе знізіўся: у параўнанні з 2018 г. было рэалізавана прыкладна на 20 тысяч дрэў менш. Зніжэнне зафіксавана па ўсіх абласцях за выключэннем Гомельскай, дзе штогод купляюць не менш за 14 тысяч елак і соснаў. У Гомельскай вобласці прасочваецца яшчэ адзін трэнд: больш за палову пакупнікоў аддалі перавагу не елі, а хвоі. У гэтым годзе тут было рэалізавана 7 407 штук гэтага віду іглічных.

Істотнае падзенне аб’ёмаў рэалізацыі зафіксавана ў лясгасах Мінскай вобласці: у гэтым годзе яны прадалі прыкладна на 6 тысяч навагодніх дрэў менш. Гэта звязана, перш за ўсё, з адсутнасцю гандлёвых кропак лясгасаў ў сталіцы (з-за ўвядзення аўкцыённай сістэмы прадастаўлення пляцовак). Так, калі ў мінулым годзе прадукцыя арганізацый сістэмы Мінлясгаса была прадстаўлена ў г. Мінску больш чым на дваццаці ёлачных базарах, то сёлета — толькі на двух, пры гэтым адна з кропак належала ДЛГУ «Мінскі лясгас», яшчэ адна — Рэспубліканскаму лясному селекцыйна-насенняводчаму цэнтру.

Разам з тым, варта адзначыць павелічэнне цікавасці беларусаў да навагодніх дрэваў у кадках. Так, калі у 2018 г. было прададзена 2080 доўгажывучых атрыбутаў, то у 2019 г. — ужо 2883. Другі год запар па ініцыятыве Міністэрства лясной гаспадаркі праводзілася рэспубліканская акцыя «Захавай сімвал свята». Лясгасы і Рэспубліканскі лясны селекцыйна-насенняводчы цэнтр прапаноўвалі беларусам набыць навагоднія дрэвы ў кадках, чыгунах ці скрынях, каб затым захаваць іх да вясны (напрыклад, на балконе або дачы) і высадзіць іх у найбліжэйшай лясніцтве падчас акцыі «Тыдзень лесу». Такім чынам, кожны беларус можа ўнесці свой уклад у азеляненне малой радзімы. А ўсім пакупнікам навагодніх дрэў у кадцы (чыгуне ці скрыні) лясгасы і РЛСНЦ дарылі памяткі па догляду за сімвалам свята.

Больш актыўна за ўсё акцыю падтрымалі ў Мінскай вобласці: тут было рэалізавана 889 навагодніх дрэў у кадках.

Падзяліцца

Апошнія запісы

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025