У Палескім радыяцыйным запаведніку плануецца запусціць некалькі новых вытворчасцяў. Гаворка ідзе пра каняферму, дрэваапрацоўчы цэх і цэх па перапрацоўцы рыбы. На гэтыя мэты з бюджэту будзе вылучана 2,1 млн рублёў.

У Палескім радыяцыйным запаведніку пабудуюць каняферму, цэх па перапрацоўцы рыбы

Каняферма на 200 галоў з’явіцца ў вёсцы Варацец Хойніцкага раёна, за 40 км ад Чарнобыльскай АЭС, піша euroradio.fm. Цэх па перапрацоўцы рыбы будзе рэканструяваны ў саміх Хойніках (55 км ад ЧАЭС). А ў Нароўлі (60 км ад ЧАЭС) будзе створана новая дрэваапрацоўчая вытворчасць.

У Палескім радыяцыйным запаведніку пабудуюць каняферму, цэх па перапрацоўцы рыбы
Коні на каняферме ў Палескім запаведніку / Гомельская праўда
У 2018 годзе Аляксандр Лукашэнка падпісаў указ, якім карэктуецца дапушчальная дзейнасць на тэрыторыі запаведніка. Цяпер рака Прыпяць, якая знаходзіцца ў яго межах, аднесена да рыбалоўных угоддзяў. Там можна займацца прамысловым рыбалоўствам.

«Цяпер пачынаем практыкаваць рыбалку на рацэ Прыпяць. Там жа і сом, і плотка, і шчупак, і лешч. Лавіць можна будзе ўсіх. Што да радыяцыі, то адкрытыя вадаёмы, праточныя — праходзяць па ўсіх нормах», — раней казаў першы намеснік дырэктара Палескага радыяцыйнага запаведніка Генадзь Гапоненка.