23 снежня Мікалая Саляніка прысудзілі ў судзе Кастрычніцкага раёна да штрафа ў 45 базавых (1147, 5 рублёў). Яго судзілі па двум правапарушэнням па арт.23.34 КоАП РБ: за публічны заклік да несанкцыянаванага масавага мерапрыемства і непасрэдны ўдзел у несанкцыянаваным мерапрыемстве. За заклік ён атрымаў 23 базавых, і за ўдзел – 22. 

Падтрымаць актывіста прыйшлі каля 15 чалавек – журналісты, праваабаронцы, актывісты. Саляніка судзіла суддзя Алена Тоўсцік-Самойлава. Сведкамі былі супрацоўнікі РАУС, якія здымалі акцыю на відэа – Шутовіч, Кейзер і Пруднікаў. Яны расказалі, як і калі ўбачылі допіс Саляніка ў фэйсбуку і пацвердзілі, што ён прысутнічаў на акцыі. Суддзя звярнула ўвагу, што Мікалай мае другую групу інваліднасці.

Перад пачаткам паседжання актывіст папрасіў пра адвод суддзі.

– Суд прызначаны Указам прэзідэнта, які не мае паўнамоцтваў. Мы яго не выбіралі і ён не мае паўнамоцтваў. Я вам не давяраю, – заявіў Салянік.

Арганізатару акцыі супраць інтэграцыі прысудзілі 45 базавых. У знак пратэсту ён парваў Канстытуцыю

Суддзя ў адводзе адмовіла.

Судзя зачытала два складзеныя пратаколы. У першым сказана, што Мікалай Салянік у фэйсбуку заклікаў людзей выйсці на акцыю. У другім – што ён 15 снежня ў 14.50 прыняў удзел у несанкцыянаваным мерапрыемстве, публічна выяўляючы свае меркаванне наконт грамадска-палітычнага жыцця па пытанню інтэграцыі Беларусі і Расіі. Узгадалі і пра бел-чырвона-белы сцяг, які быў на Саляніку.

Салянік прызнаў, што ён заклікаў людзей збірацца на акцыю і ўдзельнічаў у мерапрыемстве. Але ён кажа, што не бачыць у гэтым правапарушэнняў. Мікалай спасылаўся на артыкулы Канстытуцыі РБ, якія гарантуюць незалежнасць краіны. Ён сказаў, што не пытаў дазвол на правядзенне акцыі ў гарвыканкаме, бо быў упэўнены, што яго не дадуць. Сярод іншага Мікалай сказаў, што хацеў такім чынам падтрымаць прэзідэнта ў перамовах.

Арганізатару акцыі супраць інтэграцыі прысудзілі 45 базавых. У знак пратэсту ён парваў Канстытуцыю

У знак пратэста супраць прысуду актывіст парваў Канстытуцыю ў зале суда. Ці будзе ён абскарджваць рашэнне суда, Мікалай пакуль не ведае.

Закончился суд над Саляником,45базовых.

Опубликовано Ежиком Григенчей Понедельник, 23 декабря 2019 г.

Мікалая Саляніка дапыталі 21 снежня ў 10.10. Да гэтага пад яго пад’ездам два дні дзяжурылі супрацоўнікі РАУС. Такім жа чынам 20 снежня затрымалі і асудзілі Вадзіма Саранчукова, Сяргея Верамеенку, Ежы Грыгенчу і Уладзіміра Арцымана.


Штрафы ад 10 да 30 базавых. Гродзенскіх актывістаў судзілі за акцыю супраць інтэграцыі з Расіяй


Перадрук матэрыялаў Hrodna.life магчымая толькі з пісьмовага дазволу рэдакцыі. Кантакт info@hrodna.life

Журналістка паводле адукацыі. Скончыла ГрДУ імя Янкі Купалы ў 2018 годзе па спецыяльнасці “Журналістыка” і шэраг нефармальных курсаў па журналістыцы і фатаграфіі. Займаюся непапулярнымі тэмамі і пішу пра людзей з інваліднасцю, актывістаў, палітыкаў і дабрачыннасць.