У Гродне на жанчыну зваліўся будаўнічы плот. Следчыя: вінаваты прараб

У Гродне на 40-гадовую жыхарку абласнога цэнтра упала часовая будаўнічая абгароджа. Гэта адбылося 29 лістапада каля 19.00 на вуліцы Горкага. Жанчына атрымала цяжкія цялесныя пашкоджанні, яна ўсё яшчэ ў шпіталі ў цяжкім стане. Следства падазрае віну прараба, распачата крымінальная справа.Прааналізаваўшы сабраныя першасныя матэрыялы, следства прыйшло да высновы аб тым, што прараб арганізацыі пры выкананні будаўнічых працаў паблізу дома № 69 па вул. Горкага ў Гродне не паклапаціўся пра іх бяспеку правядзення, у выніку чаго і зваліўся будаўнічы плот.

Следчымі агледжана месца здарэння, канфіскаваныя розныя прадметы і аб’екты, плануецца прызначэнне судова-медыцынскай, будаўнічай, крыміналістычных экспертыз. Апытаныя супрацоўнікі арганізацыі, якая займаецца устаноўкай часовай будаўнічай агароджы, канфіскавана дакументацыя па гэтым пытанні. Таксама апытаныя жыхары суседніх дамоў, работнікі крамы, якая знаходзіцца ў непасрэднай блізкасці з месцам здарэння.

Гродзенскім міжраённым аддзелам Следчага камітэта ў дачыненні да 37-гадовага прараба будаўнічай арганізацыі распачата крымінальная справа па ч. 1 арт. 303 Крымінальнага кодэкса Рэспублікі Беларусь (парушэнне правілаў бяспекі будаўнічых работ, што пацягнула па неасцярожнасці прычыненне цяжкага цялеснага пашкоджання). Следства працягваецца.

Spelling error report

The following text will be sent to our editors: