Хацеў сагрэць. У Гродне мужчына скраў таксу, але сабака ўратаваўся сам

У Гродне мужчына скраў таксу з-пад гандлёвага цэнтра, але сабака змог уцячы ад выкрадальніка і самастойна вярнуўся дадому. Міліцыя жа высветліла, хто яго скраў.

Каля гадзіны дня ў «чорную пятніцу» 69-гадовая гарадзенка прыйшла ў гандлёвы цэнтр на Дубко па пакупкі. Прывязала таксу ля ўваходу ў будынак, а калі праз паўгадзіны выйшла, то ўбачыла, што гадаванец знік.

Гаспадыня адразу паведаміла пра знікненне ў міліцыю. Як выявілася, яго забраў мінак 1970 года нараджэння. Праваахоўнікі па камерах відэаназірання ўсталявалі, што ён выйшаў з тэрыторыі адной з будаўнічых арганізацый, якая знаходзіцца каля гандлёвага цэнтра, падышоў да лаўкі, дзе была прывязаная такса. Каля 15 хвілін сядзеў побач, гладзіў яе, а потым забраў.

Мужчына растлумачыў, што быў нецвярозым і вельмі любіць сабак яшчэ з маладосці, калі служыў на караблі. Яму здалося, што такса замёрзла, хоць тая была ў камбінезоне. У выніку ён адвёў выкрадзенага гадаванца да сябе ў бытоўку, дзе адпусціў са шворкі, а сам працягнуў піць спіртное.

Супрацоўнікі міліцыі да таго часу высветлілі, хто скраў сабаку, але такса паспела ўратавацца самастойна. У нейкі момант мужчына забыўся зачыніць дзверы, і яна ўцякла. Сабака ведаў раён добра, бо гаспадыня пастаянна выгульвае яго там. Такса вярнулася дадому, а супрацоўнікі крымінальнага вышуку Ленінскага РАУС знайшлі ў бытоўцы ў падазраванага камбінезон і аброжак.

Выкрадальніку пагражае крымінальная адказнасць па артыкуле «Крадзеж».

Падзяліцца
Меткі: жывёлы

Апошнія запісы

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025