“Нёман” прайграў апошні матч сезона. Вынік – 10 месца ў чэмпіянаце

1 снежня “Нёман” у Слуцку прайграў апошні матч сезона. Каманда Ігара Кавалевіча па завяршэнні чэмпіянату заняла 10 месца ў турнірнай табліцы. Гэта горш за леташні вынік на тры пункты.

Матч у Слуцку для гродзенскай каманды вырашаў размяшчэнне месцаў у турнірнай табліцы з 8 па 10 месца. У выніку жоўта-зялёныя не здолелі абыграць гаспадароў і прайгралі з лікам 2:1. Адзіны гол у “Нёмана” забіў Андрэй Якімаў.

“Слуцк” – “Нёман” – 2:1

Па завяршэнні чэмпіянату ў каманды Ігара Кавалевіча 10 месца і 36 ачкоў. Столькі ж ачкоў і ў “Мінска”, але па забітых галах у сталічнай каманды лепшы паказчык, чым у Гродна. На 8 месца месца здолела патрапіць “Славія”, якая ў апошнім матчы абыграла “Віцебск”. У мазырян 38 ачкоў.

Перад пачаткам сезону мы размаўлялі з гродзенскімі спартыўнымі аглядальнікамі і дасведчанымі заўзятарамі пра іх меркаванні і чаканні на новы футбольны год. Больш праўдзівым апынуўся прагноз прадстаўніка Клуба заўзятараў футбольнага “Нёмана” Паўла Куліка. Нагадаем, якое было яго меркаванне перад пачаткам сезона 2019 года.

– Што датычыцца змяненняў у складзе каманды, то і тут ніякіх гучных трансфераў не адбылося. Больш за тое, “Нёман” не праводзіў міжсезонныя зборы за мяжой, у адрозенні ад 14 іншых клубаў. Таму якасць падрыхтоўкі на штучным газоне, у параўнанні з канкурэнтамі, выклікае пытанні.

Ніякіх прарываў у плане выніку я не чакаю. Вылет нам не пагражае, але і да медалёў будзе вельмі далёка. Прыкладнае месца ў раёне 7-9 пазіцый будзе нашым заканамерным вынікам. На жаль, гэта так. Усё, што застаецца простым заўзятарам – гэта наведваць кожны матч роднай каманды і радавацца лакальным перамогам. Можа аднойчы “зацэпім” каго-небудзь з лідараў. Але ніякіх ілюзій асабіста я наконт перспектыў не маю.

Перадрук матэрыялаў Hrodna.life магчымы толькі з пісьмовага дазволу рэдакцыі. Звяртайцеся info@hrodna.life

Spelling error report

The following text will be sent to our editors: