Фота: yandex.by
У кастрычніку 683 гродзенцы звярнуліся ў Гродзенскі гарвыканкам з двума патрабаваннямі: размяшчаць гандлевыя аб’екты тыпа кіёскаў «Табакерка» на адлегласці не менш 500 метраў ад устаноў адукацыі, аховы здароўя, культуры і спорта; вызначыць для гэтых аб’ектаў два-тры месцы на ўскрайку горада, піша harodniaspring.org.
Па меркаванні грамадзян, гэтыя аб’екты з’яўляюцца наўпроставай рэкламай тытунёвых вырабаў. І гэта пры тым, што яны размешчаны ў непасрэднай блізкасці ад пералічаных устаноў і нават на веладарожках.
Свой зварот грамадзяне таксама абгрунтавалі Рамачнай канвенцыяй Усясветнай арганізацыі аховы здароўя па барацьбе супраць тытуню, удзельніцай якой з’яўляецца Беларусь, паводле якой у Еўропе цягам 2015−2025 гадоў стаіць задача па зніжэнні роўню распаўсюджанасці ўжывання тытуню як мінімум на 30% да 2025 г. у параўнанні з роўнем ужывання 2010 г.
Заяўнікі атрымалі адказ ад 6 лістапада 2019 г. № 1008/Кол-439/Э за подпісам намесніка старшыні Гарадзенскага гарвыканкама Зоі Кулешы. У ім гэта адказная асоба на двух з паловай старонках пералічыла месцы, дзе можна і дзе нельга прадаваць шкодныя для здароўя вырабы. І зрабіла выснову: «Табакеркі» у Гродне размешчаны паводле заканадаўства.
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…