Навіны

Незалежная кандыдатка: «Больш ніколі не пайду на выбары як кандыдат»

Незалежныя кандыдаты Вадзім Саранчукоў, Алена Шаламіцкая, Уладзімір Арцыман і Яўген Дудкін правялі ў гродзенскім Цэнтры гарадскога жыцця прэс-канферэнцыю, на якую сабралі прадстаўнікоў сваіх камандаў і незалежных назіральнікаў, піша r**yja.com.

Незалежныя кандыдаты лічаць, што выбары ў Гродне трэба прызнаць несапраўднымі з-за вялікай колькасці парушэнняў Выбарчага кодэкса. Кажа Вадзім Саранчукоў, намеснік старшыні Партыі БНФ, што вылучаўся кандыдатам ў дэпутаты па 51-й акрузе.

— Назіральнікі не бачылі бюлетэняў, якія падлічваліся. Я лічу неабходным у бліжэйшы час падаць скаргу ў акруговую камісію пра непрызнанне вынікаў выбараў. І гэтыя сотні скаргаў, якія напісалі назіральнікі, яны будуць прыкладзены да гэтай скаргі і пададзены ў акруговую камісію.

Незалежная кандыдатка Алена Шаламіцкая лічыць свой удзел у гэтых выбарах вялікім расчараваннем:

— Гэта быў час вялікага расчаравання. Мы ішлі на гэтыя выбары як людзі нейтральныя, абсалютна незалежныя. Многія выбарцы проста не паверылі, што такое бывае. Мы сваім асноўным супернікам бачылі кандыдата «супраць усіх». Што адбылося насамрэч, тлумачыць не трэба. Скажам, для нас гэта стала вялікім расчараваннем.

Алена Шаламіцкая больш не будзе ніколі прымаць удзел у выбарах у якасці кандыдата, аднак плануе разам са сваёй камандай удзельнічаць у незалежным назіранні. Незалежны кандыдат Яўген Дудкін лічыць, што падчас выбарчай кампаніі 2019 ў Гродне прадстаўнікі БХД прадставілі сваю арганізацыю.

— Падчас гэтай выбарчай кампаніі атрымалася перш за ўсё расказаць пра рэформы, падрыхтаваныя БХД і экспертамі. Па-другое, мы паказалі, што правацэнтрысцкая кааліцыя магла пасупрацоўнічаць і вылучыць кандыдатаў, каб яны былі зарэгістраваны. Па-трэцяе, мы змаглі выкарыстаць некаторыя метады, якія не выкарыстоўвалі іншыя кандыдаты — гэта дамова паміж кандыдатам і выбаршчыкам.

Незалежны кандыдат Уладзімір Арцыман лічыць, што выбары былі магчымасцю распавесці пра сваю каманду:

— Я з’яўляюся актывістам партыі «Народная Грамада». Мы падчас гэтых выбараў гучна заявілі пра сябе, сабралі ініцыятыўную групу па выбарах кандыдата ў прэзідэнты Мікалая Статкевіча на будучы год. З самага пачатку было зразумела, што ніякіх выбараў не будзе. Што тычыцца ціску, то ён адразу быў. У нас пачаліся канфлікты з членамі акруговай камісіі. Я напісаў некалькі скаргаў.

Незалежныя кандыдаты лічаць, што ўжо зараз трэба рыхтавацца да наступнай прэзідэнцкай кампаніі.

Падзяліцца

Апошнія запісы

У Гродне падаражэў праезд у гарадскім транспарце — і на прыгарадных маршрутах

З 5 красавіка ў Гродне талоны на праезд у гарадскім грамадскім транспарце даражэюць на 10…

4 красавіка 2025

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025