Гурт «Бяз назвы» адзначыць у Гродне сваё 20-годдзе

Юбілейны канцэрт беларускамоўнага гурта: B:N з Бярозы пройдзе ў Гродне 22 лістапада. Музыкі абяцаюць выканаць для сяброў і прыхільнакаў найлепшыя хіты, а таксама раяць падрыхтавацца да прыемных сюрпрызаў. Адзін з іх тычыцца чытачоў Hrodna.life — нехта са шчасліўчыкаў можа атрымаць два білеты на канцэрт у падарунак.

За 20 гадоў творчасці гурт выпусціў некалькі альбомаў, каля дзясятка кліпаў і сінглаў. Першы поспех да «безназоўных» прыйшоў у 2002 годзе. Яны ўзялі прыз фестываля «Рок-Кола» за лепшую лірычную песню «Вось такую б…». У той самы год былі выдадзены дэма альбом «Праз сябе» і дэбютны альбом «Не трывай». Ад таго часу гурт быў частым удзельнікам музычных фэстаў Беларусі, Польшчы і Украіны, выступаў на «Басовішчы», «РОКавай Восені», «NO LOGO FEST», браў удзел у тэлефестывалі «На скрыжаваннях Еўропы».

Паводле Сяргея Будкіна з tuzinfm.by «B:N: — гурт, які перажыў усё: сындром першага альбому, крызіс сярэдняга ўзросту, поўную зьмену складу. На сёньня гэтыя музыкі хіба адзіныя зь беларускамоўнай плыні рок-гуртоў, утвораных на мяжы стагодзьдзяў, якія ня толькі дажылі да нашых дзён, але і здольныя сабраць на свой канцэрт 500−700 чалавек».

Зараз у складзе гурта выступаюць Алесь Лютыч — вакал, гітара, музыка; Зміцер Харытановіч — ударныя; Павал Яноўскі - гітара; Віталь Дмітрыевіч — бас; Даніла Лях — клавішы; Сяргей Машковіч — тэксты.

Самы свежы альбом: B:N «Шукай сваё» пабачыў свет у 2015 годзе.

Падзяліцца

Апошнія запісы

На могілках у Гродне з’явілася пліта расійскага салдата, які ваяваў супраць Украіны

Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…

23 красавіка 2025

Як будзе выглядаць стогадовы дом у стылі канструктывізму на Міцкевіча пасля перабудовы: праект

Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…

23 красавіка 2025

У Гродне можна зрабіць здымак райка вока — паслуга падабаецца парам

Макраздымак райка (рус. - радужки) вока можна зрабіць у Гродне на вул. Будзённага. Закаханым прапануюць…

23 красавіка 2025

У Беларусі распрацуюць экскурсію па храмах і могілках Воранаўшчыны

У Нацыянальным агенцтве па турызме прапануюць распрацаваць экскурсію "Па святынях Воранаўшчыны". Аўтар зможа зарабіць 2820…

23 красавіка 2025

Дом быту ў Гродне прадалі на аўкцыёне з пятай спробы

Раней Дом быту на Замкавай, 4 спрабавалі прадаць ужо чатыры разы. У час аўкцыёну, які…

22 красавіка 2025

У гродзенскіх гатэлях амаль не засталося месцаў на травеньскія святы

У Threads беларус Дзяніс выказаў здзіўленне наконт таго, што ў гасцініцах і гатэлях Гродна ўсе…

22 красавіка 2025