«Дзве душы» на ўсю Беларусь: спектакль галоўнай сцэны Купалаўскага ўпершыню пакажуць у прамым эфіры

Відэасервіс VOKA працягвае весці бясплатныя трансляцыі знакавых пастановак Купалаўскага тэатра ў прамым эфіры. 8 лістапада ўпершыню будзе паказаны спектакль галоўнай сцэны Купалаўскага тэатра — «Дзве душы» ў пастаноўцы Мікалая Пінігіна. Трансляцыя адбудзецца ў рамках спецыяльнага праекта да 100-га сезона тэатра сумесна з кампаніяй А1.

Спектакль «Дзве душы» пастаўлены па аднайменнай аповесці Максіма Гарэцкага, якой таксама споўнілася 100 гадоў - яна напісана ў 1919 годзе пасля Першай сусветнай вайны. У 2016 годзе гэта філасофская проза ўпершыню была вынесена на тэатральную сцэну рэжысёрам Мікалаем Пінігіным.

«Дзве душы» — гісторыя падмененых у дзяцінстве хлопчыкаў з сялянскай і панскай сем’яў, якія пасталелі і апынуліся ў цэнтры знакавых гістарычных падзей. Аўтары інсцэніроўкі - Максім Клімковіч і Уладзіслаў Ахроменка — адабралі некалькі фрагментаў з аповесці і дапоўнілі ўрыўкамі з іншых тэкстаў Гарэцкага, каб за лёсамі галоўных герояў можна было прасачыць у храналагічным парадку з 1890-х па 1930-я гады.

Дзеянне спектакля нібы перанесена ў старое фотаатэлье: кадр за кадрам за лічаныя секунды змяняюць адна адну дэкарацыі, а на экран трансліруецца відэашэраг з унікальных кадраў кінахронікі пачатку ХХ стагоддзя, здымкаў і дакументаў з архіва акадэміка Радзіма Гарэцкага — пляменніка беларускага класіка. На сцэне з’яўляецца і персанаж самога пісьменніка ў арыштанцкай робе (Максім Гарэцкі быў асуджаны на пяць гадоў высылкі і растраляны ў 1938 годзе).

«Дзве душы» — адзін з самых масавых спектакляў у купалаўцаў. У ім занята амаль уся трупа, студэнты Беларускай дзяржаўнай акадэміі мастацтваў, дзеці з тэатральных студый — агулам каля 40 чалавек. У ролі падмененых братоў Ігната Абдзіраловіча і Васіля — Раман Падаляка і Іван Кушнярук. У вобразе Максіма Гарэцкага — Аляксандр Паўлаў.

Бясплатная трансляцыя будзе даступна выключна ў прамым эфіры — з любой прылады і ў сетцы любога аператара пасля аўтарызацыі ў мабільным прыкладанні VOKA ці на сайце voka.tv па нумары тэлефона. Шматкамерная мастацкая здымка ў высокай якасці дазволіць кожнаму гледачу максімальна паглыбіцца ў атмасферу тэатральнай залы і ўбачыць усё, што адбываецца на сцэне, з розных ракурсаў. Пачатак паказу — у 19:00.

Падзяліцца

Апошнія запісы

У Гродне падаражэў праезд у гарадскім транспарце — і на прыгарадных маршрутах

З 5 красавіка ў Гродне талоны на праезд у гарадскім грамадскім транспарце даражэюць на 10…

4 красавіка 2025

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025