Цяпер бясплатныя курсы беларускай мовы будуць праходзіць не толькі для дарослых, але і для дзяцей. Абяцаюць шмат інтэрактыву, цікавостак, весялосці і пачастункаў.
— Нам усё часцей сталі задаваць пытанні пра дзіцячыя курсы. Ды і мы, вядоўцы, ужо самі сталі мамамі, то тым больш зацікаўленыя, каб дзець ведалі, любілі беларускую мову. Цяпер лепш адчуваем дзяцей і разумеем, як з імі працаваць. Да таго ж, у горадзе вельмі шмат развівальных заняткаў, дзіцячых сустрэчаў і г. д., але амаль усё па-руску. Нам хочацца, каб было месца, дзе дзеткі маглі б і чуць беларускую мову, і самі размаўляць, — кажа вядоўца курсаў Эмілія Гаўрус.
Першыя заняткі пройдуць 4 кастрычніка. Плануецца, што заняткі будуць праходзіць два разы на месяц у 18.30. Працягласць — 45 хвілін. На першым занятку разбіралі тэму «Жывёльны свет». Тэмы будуць закранаць самыя розныя — пра ўсё, што атачае дзяцей і з чым яны сутыкаюцца. «Будзем вучыць вершы, гуляць, маляваць, будзем задаваць і невялікія хатнія заданні. Часам будзем запрашаць гасцей», — кажа Эмілія. Таксама плануюць зладзіць калядную ялінку, як і ў мінулым годзе.
Дзіцячыя заняткі спрабавалі зрабіць яшчэ тры гады назад. Тады яны таксама былі запатрабаваныя. Але не знайшлі замену выкладчыцы, якая сышла.
На пляцоўцы «Куфар» з'явілася аб'ява аб продажы гродзенскай кавярні «Чашки&ложки». Установа ўжо чатыры гады працуе…
Аб'явы аб здачы памяшканняў у арэнду з'явіліся ў Instagram-акаўнце royal.grodno і на “Куфары”. У аб'явах…
Гродзенскія пункты выдачы заказаў Wildberries і Ozon аказаліся перапоўнены падарункамі для жывёл. Гэта вынік Таемнага…
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…