Жыхары праявілі актыўнасць: на Гагарына не будзе паркоўкі на дзіцячай пляцоўцы

Аўтамабільнай паркоўкі на дзіцячай пляцоўцы паміж вуліцамі Міру і Гагарына не будзе. Гэтае пытанне вырашылі ў гарвыканкаме згодна з нарматывамі па будаўніцтве і пасля апытання мясцовых жыхароў.

Каля дзіцячага садка на вуліцы Міра з пачатку кастрычніка пачалі будаваць новую паркоўку для аўтамабіляў. Яе планавалі размясціць на асфальтаванай спартыўнай дзіцячай пляцоўцы. Меркаванні жыхароў вуліцы падзяліліся. Адны казалі, што пляцоўку чапаць нельга, а іншыя адзначалі, што на вуліцы няма дзе ставіць аўтамабілі і стаянкай для іх служыць газон. Каб вырашыць гэтае пытанне, ЖКГ вырашыла правесці апытанне і пачуць меркаванне ўсіх жыхароў.

«Большасць выказалася супраць пераабсталявання дзіцячай пляцоўкі ў аўтамабільную паркоўку. Прымаючы гэта пад увагу, а таксама згодна з нарматывамі па будаўніцтве аўтамабільных парковак, працы праводзіцца не будуць», – адзначылі ў гарвыканкаме.


«Как скажут жильцы, так и будет». На Гагарина приостановили строительство парковки на детской площадке


Спартыўная пляцоўка мяжуе з плотам дзіцячага саду. Ад плота да пляцоўкі каля метра. Паводле санітарна-гігіенічных нормаў гэтую пляцоўку ў паркоўку перарабляць забаронена. Санітарны разрыў ад аўтамабільных стаянак і аўтамабільных парковак да мяжы тэрыторый устаноў дашкольнай адукацыі, агульнай сярэдняй адукацыі, пляцоўкі адпачынку, дзіцячай пляцоўкі для паркоўкі на 11-50 машын павінен складаць 20 метраў.

Зараз могуць дапамагаць з паркоўкай

Адзін з абаронцаў дзіцячай пляцоўкі Уладзімір Кульбіцкі лічыць, што ключавое значэнне ў вырашэнні пытання адыграў факт, што будаўніцтва аўтапаркоўкі пачалося без узгаднення паводле санітарных нормаў.

«Мясцовыя жыхары малайцы, праявілі актыўнасць. Тэлефанавалі, пісалі, давалі каментары. Мы задаволеныя, што справядлівасць перамагла. Цяпер ход за ўладамі. Раз ужо ёсць жаданне дапамагчы двару з паркоўкай – у ім дастаткова месцаў, дзе яе можна абсталяваць без замахаў на тэрыторыю дзяцей».

парковки на детской площадке, парковка
Так паркуюцца на Гагарына

Калі вы знайшлі ў тэксце памылку або абдрукоўку, калі ласка, паведаміце нам, выбраўшы адпаведны фрагмент і націснуўшы клавішы Ctrl+Enter.

Перадрук матэрыялаў Hrodna.life магчымы толькі з пісьмовага дазволу рэдакцыі. Звяртайцеся info@hrodna.life

Каментары

Spelling error report

The following text will be sent to our editors: