Людзі і справы

Стаўкі перавышаюць 530% гадавых. Улады прынялі важныя змены па рынку мікразаймаў

У Беларусі ўводзяць змены па рынку мікразаймаў. Адно з новаўвядзенняў - абмежавалі памеры прыналежных мікрафінансавай арганізацыі адсоткаў, а таксама няўстойкі, штрафаў і пеняў. Змены прадугледжаны прэзідэнцкім указам № 394 «Аб прадастаўленні і прыцягненні пазык».

Зараз мікрафінансавыя арганізацыі не абмежаваныя ў памеры працэнтаў, а таксама штрафаў і пеняў, якія яны выстаўляюць сваім кліентам, што дапускаюць пратэрміноўку ў пагашэнні пазыкі. Таму раз-пораз узнікаюць сітуацыі, калі адсоткі шматкроць перавышаюць суму пазыкі, піша t*t.by. Прэзідэнцкі ўказ павінен урэгуляваць гэтае пытанне.

Памеры належных мікрафінансавай арганізацыі адсоткаў зараз не павінны перавышаць двухразовы памер мікразайму, а няўстойка, штрафы і пені не могуць быць больш за палову выдадзенай сумы.

Пры гэтым улады забаранілі выдачу мікразаймаў некамерцыйнымі арганізацыямі, якія створаны ў форме фондаў. «Бо часцяком падобнага роду арганізацыі выдавалі ўльтракароткія пазыкі без закладу па стаўцы, якая перавышае 530% гадавых», — адзначаюць у прэс-службе прэзідэнта.

Для павышэння даступнасці мікрафінансавання пашыраны пералік асоб, якія могуць быць чальцамі спажывецкіх кааператываў фінансавай узаемадапамогі. Зараз гэта фізічныя асобы, якія займаюцца вытворчасцю сельгаспрадукцыі, відамі дзейнасці, пры якіх выплачваецца адзіны падатак, а таксама суб’екты малога і сярэдняга прадпрымальніцтва.

Ламбарды атрымаюць права прадастаўляць мікразаймы грамадзянам пад заклад транспартных сродкаў без абавязку перадачы іх ламбарду, ажыццяўляць камісійны гандаль, захоўваць рэчы і набываць іх для далейшай рэалізацыі.

Атрымліваць мікразаймы пад заклад рухомай маёмасці змогуць юрыдычныя асобы, у статутным фондзе якіх доля ўласнасці дзяржавы складае 50 і больш працэнтаў, і якія аказваюць бытавыя паслугі насельніцтву і зарэгістраваныя ў сельскай мясцовасці. Такую магчымасць атрымаюць таксама юрыдычныя асобы, якія скупляюць каштоўныя металы і камяні для папаўнення дзяржфонду.

Акрамя таго, замацаваны правы спажыўцоў паслуг, у тым ліку ў частцы атрымання поўнай і пэўнай інфармацыі пра ўмовы дагавора мікразайма, правільнага разліку працэнтаў. Нацбанк зможа накіроўваць прадпісанні мікрафінансавым арганізацыям у выпадках парушэння імі заканадаўства.

Падзяліцца

Апошнія запісы

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025