Беларускі грамадскі камітэт ушанавання памяці паўстанцаў 1863−1864 гг. апублікаваў папярэдні расклад імпрэзаў з нагоды перапахавання Кастуся Каліноўскага і іншых паўстанцаў 1863−1864 гг. у Вільні.

22 лістапада, пятніца

  • 11.00—11.45 — Развітанне грамадскасці з паўстанцамі ў Кафедральным касцёле Вільні (уваход свабодны).
  • 12.00 — Пачатак урачыстай імшы ў Кафедральным касцёле Вільні (уваход абмежаваны, але на Кафедральнай плошчы будуць усталяваныя адмысловыя вялікія экраны).
  • 13.20 — Пачатак пешай развітальнай працэсіі ад Кафедральнага касцёла да могілак Росы. Парэшткі Кастуся Каліноўскага і Зыгмунта Серакоўскага павязуць на лафеце, іншых паўстанцаў — на катафалках.
  • 14.00 — Цырымонія пахавання парэшткаў у калумбарыі капліцы на могілках Росы.
  • Вечар — Канцэрт гурта «Dzieciuki» (дакладны час і месца будуць агучаныя неўзабаве).

23 лістапада, субота

  • 11:00 — Грэка-каталіцкае богаслужэнне за супакой паўстанцаў 1863−1864 гг. у Базыльянскіх мурах (Святатроіцкая грэка-каталіцкая царква, адрас: Aušros Vartų g. 7B);
  • 13:00 — Сустрэча грамадскасці з Радай Беларускай Народнай Рэспублікі*
  • 16:00 — «Містэрыя»: гісторыка-тэатральна-паэтычны Рэквіем прысвечаны паўстанню 1863−1864 гг.*
  • 18:00 — «Паўстанцкі ланцуг». Жалобнае грамадскае шэсце са знічамі ад Вострай брамы да могілак Росы*

* - Час можа ўдакладняцца. Месца будзе агучана неўзабаве.

24 лістапада, нядзеля

  • 12:00 — Беларускае рымска-каталіцкае набажэнства за ўпакой паўстанцаў 1863−1864 гг. у касцёле Св. Варфаламея на Зарэччы (адрас: Užupio g., 17)
  • 14:00 — 16:00 — Бясплатныя пазнавальныя вандроўкі па беларускіх мясцінах Вільні. Сустрэча каля касцёла Св.Варфаламея на Зарэччы (Užupio g., 17)

Неўзабаве распачне працу адмысловы сайт.


Кнігу пра Каліноўскага выклалі ў вольны доступ. Каб больш беларусаў паехала на перапахаванне


Хто ў камітэце?

Камітэт складаюць грамадскія дзеячы Беларусі і прадстаўнікі беларускай дыяспары за мяжой, у тым ліку беларусы Вільні. На чале камітэта — доктар гістарычных навук Алесь Смалянчук.

З усімі прапановамі і па дадатковую інфармацыю прапануюць звяртацца на адрас kalinouski2019@gmail.com