Гродзенскія закаханыя падлеткі-ўцекачы зноў знайшліся. У трэці раз

Без вестак зніклыя падлеткі, 15-гадовая Дзіяна Кавалёва і 17-гадовы Яўген Рукша, зноў знойдзеныя. Яны ўжо тройчы ўцякалі з дома. У першы раз патлумачылі, што збіраліся чакаць паўналецця Дыяны ў лясах, у другі – бо “проста так атрымалася”.

Як паведамілі ў МУС, падлеткаў знайшлі ўчора, 13 кастрычніка. Супрацоўнікі крымінальнага вышуку Гродзенскага РАУС выявілі іх у лесе паблізу хутара ля ж/д станцыі Жытомля ў Гродзенскім раёне. Інфармацыя паступіла ад гаспадара закінутага дома, жыхара г. Гродна. Мужчына распавёў, што мясцовыя бачылі двух падлеткаў, якія маглі знаходзіцца менавіта ў яго нежылым доме.

Міліцыя абследавала закінуты будынак. Пазней зніклых знайшлі з дапамогай службовага сабакі ў кіламетры ад дома ў лесе. Цэлымі і здаровымі падлеткі перададзены бацькам.

У першым выпадку іх знайшлі ў лясным масіве паблізу вёскі Магіляны, у другім – каля аграгарадка Алекшыцы Бераставіцкага раёна.

Калі вы знайшлі ў тэксце памылку або абдрукоўку, калі ласка, паведаміце нам, выбраўшы адпаведны фрагмент і націснуўшы клавішы Ctrl+Enter.

Каментары

Spelling error report

The following text will be sent to our editors: