Да канца кастрычніка павінна вырашыцца спрэчнае пытанне з дзіцячай спартыўнай пляцоўкай паміж вуліцамі Міру і Гагарына. Ужо некалькі дзён сярод жыхароў мікрараёна праводзіцца апытанне. Работы па ўладкаванні паркоўкі прыпыненыя.
Каля дзіцячага садка на вуліцы Міру з пачатку кастрычніка пачалі будаваць новую паркоўку для аўтамабіляў. Яе плануюць размясціць на асфальтаванай спартыўнай дзіцячай пляцоўцы. Меркаванні жыхароў вуліцы падзяліліся. Адны кажуць, што пляцоўку чапаць нельга, а іншыя адзначаюць, што на вуліцы няма дзе ставіць аўтамабілі і стаянкай для іх служыць газон.
У гродзенскай ЖКГ распавялі Hrodna.life, што працы па ўладкаванні паркоўкі прыпыненыя. Гарадскія службы праводзяць апытанне, каб пачуць меркаванне жыхароў.
«За апошні час да нас паступіла некалькі зваротаў ад жыхароў мікрараёна. Адны за захаванне дзіцячай пляцоўкі, іншыя за ўладкаванне паркоўкі, — распавядае прадстаўнік гарадской ЖКГ Сяргей Сямашка. — Каб прыняць канчатковае рашэнне праводзіцца апытанне жыхароў мікрараёна. Можна сказаць, праходзіць так званае грамадскае абмеркаванне. Плануем па максімуме апытаць жыхароў і зыходзячы з іх думкі прымем канчатковае рашэнне».
Спартыўная пляцоўка мяжуе з плотам дзіцячага саду. Ад плота да пляцоўкі каля метра. Паводле санітарна-гігіенічных нормаў гэтую пляцоўку ў паркоўку перарабляць забаронена. Санітарны разрыў ад аўтамабільных стаянак і аўтамабільных парковак да мяжы тэрыторый устаноў дашкольнай адукацыі, агульнай сярэдняй адукацыі, пляцоўкі адпачынку ці дзіцячай пляцоўкі для паркоўкі на 11−50 машын павінен складаць 20 метраў.
Сцэнічны комплекс на святкаванне Дня Перамогі ў Гродне 9 траўня абыйдзецца гарадскому бюджэту ў 12…
Непаўналетняга падлетка з Гродзенскага раёна спрабавалі прыцягнуць да адміністрацыйнай адказнасці за распіццё алкаголю ў грамадскім…
Салон прыгажосці Mateo запусціў праект «Незвычайная маці». Паўдзельнічаць у ім могуць жанчыны, якія выхоўваюць дзяцей…
Гродзенскі гісторык Мечыслаў Супрон вызначыў, з якога ракурсу Напалеон Орда зрабіў адзін са сваіх гродзенскіх…
Памяшканне былой крамы «Спорттавары» на Ажэшкі, 42 у Гродне можна ўзяць у арэнду. Аўкцыён па…
Для зручнасці жыхароў і гасцей горада ў Гродне ўводзяць новую схему абмежавання руху мотатранспарту. Існуючая…