У 2020 годзе на шчучынскім участку М6 абновяць дарогу

У наступным годзе даручана прывесці ўчастак трасы ад Гродна да Шчучына, які не ўвайшоў у праект рэканструкцыі, да 1 катэгорыі, у адпаведнасць з абноўленай дарогай. Старшыня абласнога выканаўчага камітэта Уладзімір Краўцоў паставіў задачы перад дарожнымі службамі, піша grodnonews.by. 

– Тут трэба абнавіць дарожнае палатно суцэльным асфальтавым пакрыццём, уладкаваць раздзяляльныя бар’еры з пазначэньнем адлюстравальных элементаў, усталяваць, дзе неабходна, агароджу ад дзікіх жывёл, шумаахоўныя экраны ў населеных пунктах, абнавіць дарожныя знакі і інфармацыйныя шчыты, каб яны выразна праглядаліся з аўтамагістралі.

Таксама на М6 неўзабаве павялічыцца і колькасць катафотаў на раздзяляльных збудаваннях.

На чарзе яшчэ адна важная дарога, частка якой пралягае па тэрыторыі Гродзенскай вобласці, – «Мінск – Вільня». Падыходзяць да завяршэння праектныя працы, і пасля правядзення ўсіх неабходных экспертыз будаўнікі пачнуць яе мадэрнізацыю. Папярэдне плануецца пачаць працы ў красавіку наступнага года.

Таксама губернатар даручыў завяршыць да лістапада працы па ўладкаванні кальца на аўтадарозе Н 6453 у напрамку Каробчыц, прывесці ў парадак дарогу ў мікрараёне Ласосна-4 і пракласці там пешаходную дарожку, на што ўжо выдзелены сродкі.

Калі вы знайшлі ў тэксце памылку або абдрукоўку, калі ласка, паведаміце нам, выбраўшы адпаведны фрагмент і націснуўшы клавішы Ctrl+Enter.

Каментары

Spelling error report

The following text will be sent to our editors: