Да канца кастрычніка на Пушкіна адкрыецца EUROSPAR — першы ў Гродне магазін нідэрландскай сеткі супермаркетаў SPAR. Ён заменіць «АЛМІ», які зачыніўся ў сярэдзіне жніўня.
У новым магазіне можна будзе набыць не толькі прадукты, але і нехарчовыя тавары. Як і ў «АЛМІ», будзе гатовая прадукцыя ўласнай вытворчасці і выпечка.
Сетка крам SPAR прыйшла ў Беларусь летам 2017 года. У 2016 годзе франшызу для Беларусі набыла кампанія «Юніфуд», якая кіруе крамамі «АЛМІ» і Zakrama. Сёння ў Беларусі працуе 6 магазінаў SPAR: два ў Мінску і па адным у Пінску, Мазыры, Бабруйску і Брэсце. У планах кампаніі - адкрыццё да 2020 года 60 крам брэнда па ўсёй краіне.
SPAR гэта закупачны кааператыў. Гэта значыць, што некалькі кампаній аб’ядноўваюцца пад адным брэндам, каб мець больш выгадныя ўмовы ў пастаўшчыкоў.
Першапачаткова планавалася, што сетка SPAR адкрые свой першы магазін на месцы гіпермаркета «АЛМІ» на Касманаўтаў, які закрываўся на рэканструкцыю восенню 2018. Там павінен быў з’явіцца гіпермаркет INTERSPAR. Аднак праз некаторы час стала вядома, што гіпермаркет выкупіла фірма «Тытунь-Інвест» — уладальнік сеткі «Карона». Гэтак жа адбылося і ў Брэсце, дзе «Карона» пашырыла прысутнасць на рынку выкупіўшы краму «АЛМІ» ад кампаніі «Юніфуд».
Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…
На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…
Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…
Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…
Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…
Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…