Уязную вежу Старога замка ўпрыгожаць партрэтамі гістарычных асоб

Уязную вежу Старога каралеўскага замка ў Гродне ўпрыгожаць партрэтамі гістарычных асоб, гербамі і ўзорамі. Над дэкорам цяпер працуе група мінскіх мастакоў-манументалістаў, паведамілі на СТВ.

Роспіс выконваюць у тэхніцы сграфіта — гэта разьба па сырой тынкоўцы. Такі спосаб вядомы яшчэ з часоў Сярэднявечча. Праца складаная — трэба акуратна пластамі выкласці каляровую тынкоўку і з ювелірнай дакладнасцю, пакуль не застыў матэрыял, выразаць аб’ёмныя малюнкі і арнамент — і ўсё гэта на вышыні каля 14 метраў.

Мастакі зараз працуюць над 14 партрэтамі рымскіх імператараў, каралёў польскіх і вялікіх князёў літоўскіх — за аснову ўзятыя гістарычныя факты. Вежу таксама ўпрыгожаць львы, грыфоны, кветкавыя і фруктовыя гірлянды.

— Унізе таксама будуць выкарыстоўвацца і па сценах шмат усялякіх арнаментаў. Уваходная кампазіцыя — там будуць выкарыстоўвацца дзве сцэны — гэта ўезд у Ерусалім і ўезд у Гродна. Тут будзе каля 300 квадратаў сграфіта. Усё, вядома, у гэтым годзе наўрад ці мы паспеем, таму работы будуць перанесены яшчэ і на вясну, — кажа Васіль Зянько, старшыня манументальнай секцыі Беларускага саюза мастакоў.

Рэканструкцыя Старога замка працягваецца з 2017 года. За аснову праекта ўзятая адзіная гравюра з выявай замка 16 стагоддзя, якая захавалася. У планах да канца года завяршыць узвядзенне вежы і камяніцы, уставіць вокны і прыступіць да ўнутранага аздаблення. Зараз ідзе зборка каркаса купала ўязной вежы. У хуткім часе яго пачнуць пакрываць меддзю.

Падзяліцца

Апошнія запісы

У Гродне падаражэў праезд у гарадскім транспарце — і на прыгарадных маршрутах

З 5 красавіка ў Гродне талоны на праезд у гарадскім грамадскім транспарце даражэюць на 10…

4 красавіка 2025

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025