У Цэнтры гарадскога жыцця Гародні адкрыліся курсы, на якіх «з нуля» можна навучыцца ўкраінскай мове. На першы занятак завітаў кіраўнік консульства Украіны ў Берасці Анатоль Дыдэнка:

Курсы ўкраінскай мовы адкрыліся ў Гродне

– Наведваць гэтыя курсы могуць усе ахвотныя, як і ўкраінцы, якія маюць украінскія карані, так і мясцовыя жыхары. На гэтых курсах яны змогуць азнаёміцца і з сучаснымі тэндэнцыямі росквіту ўкраінскай мовы. Той, хто раней ведаў і валодаў украінскай мовай, зможа аднавіць у памяці, што раней ведаў. Асаблівая ўвага будзе надзяляцца сучаснаму правапісу ўкраінскай мовы.

Весці курсы для ўсіх ахвотных будзе гарадзенка Наталля Моргун:

Курсы ўкраінскай мовы адкрыліся ў Гродне

– Мы тут вырашылі зрабіць курсы ўкраінскай мовы. Пакуль што людзей мала, але мы запрашаем, каб людзі да нас прыходзілі. Будзем навучацца размаўляць на ўкраінскай мове, спяваць, чытаць вершы, чытаць класічную літаратуру: Шаўчэнку, Катлярэўскага, Лесю Украінку.

Арганізатары курсаў спадзяюцца, што з кожным заняткам у гарадзенцаў будзе павялічвацца жаданне вывучаць украінскую мову. На першы занятак, апроч прадстаўнікоў украінскай грамады, прыйшло толькі 5 ахвотных.

Курсы ўкраінскай мовы адкрыліся ў Гродне

Калі вы знайшлі ў тэксце памылку або абдрукоўку, калі ласка, паведаміце нам, выбраўшы адпаведны фрагмент і націснуўшы клавішы Ctrl+Enter.

Spelling error report

The following text will be sent to our editors: