У Польшчы супермаркеты будуць раздаваць непрададзеную ежу бедным

Польскі Сейм прыняў новы закон, паводле якога крамы абавязаныя раздаваць прадукты харчавання, не прададзеныя пакупнікам, незаможнаму насельніцтву. Гэта могуць быць прадукты нетаварнага выгляду або з тэрмінам прыдатнасці, які заканчвацца, але ні ў якім разе не з мінулым тэрмінам прыдатнасці, піша howmade.ru.

Новыя правілы ахопліваюць толькі вялікія крамы, плошча якіх перавышае 250 кв.метраў і прыбытак ад рэалізацыі прадуктаў складае не менш за палову прыбытку ад усіх астатніх тавараў. Дробныя крамы будуць працаваць па гэтаму правілу з 2021-га года. Займацца распаўсюджваннем гуманітарнай дапамогі будуць няўрадавыя арганізацыі, з якімі ўладальнікі крамаў будуць складаць адпаведны кантракт па перадачы прадуктаў.

Законам таксама прадугледжаны штраф за парушэнне новага правіла. Усе супрацоўнікі магазінаў абавязаны праходзіць адукацыйныя і інфармацыйныя лекцыі, прысвечаныя навучанню рацыянальнага кіравання харчовымі прадуктамі.

Статыстыка кажа, што пасля ўступлення закона ў сілу, у краіне штогод будзе зэканомлена не менш за 100 тысяч тон ежы, тады як па падліках экспертаў каля 9 млн тон прадуктаў кожны год выкідваецца ў сметнікі.

«Гэта законапраект рыхтаваўся ўжо некалькі гадоў і нарэшце чарговае скліканне польскага парламента яго зацвердзіла. Мы разумеем, што наперадзе шмат працы і задач, але мы настроены вельмі аптымістычна. Галоўнае, мы дамагліся таго, што цяпер ежа будзе трапляць на стол да тых, хто мае патрэбу, а не ў смеццевыя кантэйнеры», — пракаментавала віцэ-прэзідэнт Федэрацыі польскіх харчовых магазінаў.

Польшча, такім чынам, падхапіла вопыт, ужо пачаты ў Італіі, Бельгіі, Чэхіі і Францыі.