З 2 верасня ў Лідскім раёне паблізу вёскі Дакудава працуюць вайскоўцы інжынерна-сапёрнага батальёна вайсковай часці 51 171 Гродна. Яны выконваюць ачыстку тэрыторыі ад выбухованебяспечных прадметаў, піша lidanews.by.
Неўзабаве тут пачнуцца работы па здабычы торфу, і каб засцерагчы працэс, перад яго пачаткам дадзеную мясцовасць абследуюць сапёры.
Як распавядаюць мясцовыя жыхары, у 60-х гадах прыблізна ў дадзеным месцы размяшчаўся палігон адной з вайсковых частак. Гэта тлумачыць той факт, што падчас ачысткі тэрыторыі вайскоўцы інжынерна-сапёрнага батальёна знаходзяць толькі снарады савецкай вытворчасці. За час сваёй працы, якая будзе доўжыцца яшчэ два дні, тут выявілі больш за сто дваццаць выбухованебяспечных прадметаў.
— Знаходзім артылерыйскія снарады і выбухоўнікі да іх, — тлумачыць камандзір інжынерна-сапёрнага батальёна в/ч 51 171 Андрэй Семяніхін. — Пасля прыязджае штатная група размініравання нашай вайсковай часткі, вязе знойдзеныя намі прадметы на бяспечную адлегласць і знішчае іх.
Яшчэ да маштабнай ачысткі дадзенай мясцовасці сюды не раз адпраўляліся сапёры. Выбухованебяспечныя прадметы тут знаходзілі і раней, часткова некаторыя з іх выяўляліся пасля тарфяных пажараў, што здараліся і сёлета ў тым ліку.
Працавалі паблізу Дакудава як вайскоўцы тэрміновай ваеннай службы, так і афіцэры, якія прайшлі спецыяльнае навучанне.
— Ачыстка мясцовасці выконваецца ячэйкавым спосабам, — кажа камандзір узвода інжынерна-сапёрнага батальёна в/ч 51 171 Аляксандр Южык. — Першы нумар разліку ідзе з металадэтэктарам. Пры выяўленні выбуханебяспечнага прадмета другі нумар разліку мацам пратыкае зямлю і ўдакладняе габарыты знаходкі. Трэці нумар здымае верхні пласт глебы, здабывае снарад на паверхню і пазначае яго спецыяльнай тычкамі.
Пытанням бяспекі пры такіх працах, вядома ж, надаецца павышаная ўвага. Вайскоўцы, якія вядуць пошук выбухованебяспечных прадметаў, у абавязковым парадку апранаюць бронекамізэлькі і каскі.
— Свой першы снарад знайшоў менавіта ў Лідскім раёне, — распавядае вайсковец тэрміновай службы Яўген Яскілевіч. — Было хвалююча, але цікава. У прынцыпе, нічога страшнага ў працы сапёра няма, галоўнае — усё рабіць дакладна па інструкцыі, выконваць правілы бяспекі.
За час знаходжання ў Лідскім раёне вайскоўцы інжынерна-сапёрнага батальёна абследуюць крыху больш за 220 гектар тэрыторыі будучых торфараспрацовак.
"Пяльменная 1961" пачала працу на Савецкай, 23 у суботу, 22 лютага. Установа адкрылася на тым…
Шматгадзінныя чэргі, перфаратар і два акенца на рэгістрацыю. Дзяўчына схадзіла ў Гродзенскае агенцтва па дзяржаўнай…
Прадпрыемства "Гродна Азот" 12 лютага ў Telegram-канале анансавала конкурс да Дня роднай мовы. Да самога…
Палітзняволены з Гродна Кірыл Кетурка скончыў жыццё самагубствам у Цэнтры ўтрымання пад вартай у Варшаве-Служэўцы…
Былому сенатару і дырэктару «Краснасельскбудматэрыялы» Уладзіміру Кісялёву пагражае да трох гадоў калоніі за разгалашэнне службовай…
"Малочны Мір" абавязалі змяніць назву для серыі глазураваных сыркоў. Пасля чыёсьці скаргі ў Міністэрства антыманапольнага…