Фота: facebook.com
Беларусь стала першай на інклюзіўным конкурсе прыгажосці «Неўская краса», які праходзіць у Піцеры. Нашу краіну прадстаўляла Аксана Якуцевич, якой гродзенцы дапамаглі сабрацца на конкурс. Фінал прайшоў 13-га верасня.
— Беларусь -мы першыя !!! Ледзі Неўская Краса-2019. Дзякуй усім, хто ў мяне верыў. Усё атрымалася! І гэта — наша агульная перамога! — напісала Аксана ў фэйсбуку.
У конкурсе бралі ўдзел 27 дзяўчат. З выпрабаванняў былі відэавізітка, танец, выхад у нацыянальным строі, конкурс пытанняў ад журы, выхад у вячэрніх сукенках і ў капелюшах ад дызайнера Ганны Міхайлавай. У склад журы ўвайшлі арганізатары, мясцовыя ўлады і стылісты. Аксана стала «Ледзі Неўская Краса-2019». «Міс Неўская Краса-2019» стала Іна Анненкава з Балкарскай рэспублікі.
Аксане дапамаглі сабрацца гродзенцы, у тым ліку агенства «На Ура», «EmiRomani», «Белавія». Раней яна казала, што едзе толькі за перамогай, каб потым ажыццявіць мару — займацца мадэлінгам або рэкламаваць касметыку.
Конкурс «Неўская краса» праходзіць у Санкт-Пецярбургу. Удзел у конкурсе могуць прыняць дзяўчаты і жанчыны, якія перасоўваюцца на інваліднай калясцы. Паглядзець трансляцыю можна тут.
Гродзенка Вікторыя Талкоўская апублікавала TikTok, у якім папрасіла гараджан назваць самыя змрочныя месцы Гродна. За…
Плануецца, што ў кожным раёне з’явіцца па дзве новыя пляцоўкі для выгулу хатніх жывёл. Адпаведны…
Гродзенскі абласны суд прызнаў Ежы Грыгенчу вінаватым паводле чатырох крымінальных артыкулаў. Яму прызначылі шэсць гадоў…
Блогер з Гродна Аляксей Саўко з ростам у 136 см апублікаваў фота ў футболцы “Команда…
Экран вышынёй 7 метраў з’явіўся на фасадзе гандлёва-забаўляльнага цэнтра Triniti на праспекце Янкі Купалы. Гэта…
Гродзенская вобласць страціла лідарскую пазіцыю па колькасці арганізаваных турыстаў. Цяпер сярод найбольш папулярных напрамкаў —…