Горад

Шматпавярховікі ў Гродне хочуць упрыгожыць выцінанкай

Канцэпцыю роспісаў гродзенскіх шматпавярховікаў прапанаваў гораду мастак Уладзімір Качан. Фотакалажы з’явіліся на старонцы аўтара 9 верасня. Зараз магчымасць іх рэалізацыі разглядае адміністрацыя горада. Паводле Качана, роспісы на тарцавых сценах будынкаў маглі б зрабіць гарадскія раёны больш зразумелымі па навігацыі для жыхароў і больш прывабнымі і адметнымі для турыстаў.

Прабіваліся не адзін год

Пытанне аб «сумных» тарцах шматпавярховікаў абмяркоўвалі на адной з сустрэч мастакоў са старшынёй гарвыканкама Мечыславам Гоем. «Мэр паскардзіўся, маўляў, трэба нешта рабіць з пустамі сценамі, трэба ўпрыгожыць горад. То мы ўзгадалі, што прабіваліся да ўладаў з падобнымі прапановамі не адзін год. І вось нарэшце ізноў паднялі гэту тэму», — распавядае Уладзімір Качан.

Па словах мастака, справу даручылі гарадской ЖКГ. Камунальнікі выбралі будынкі, якія выходзяць тарцамі на магістральныя вуліцы горада, і прапанавалі падрыхтаваць эскізы роспісаў. Хаця даўнейшых напрацовак было шмат, Уладзімір Качан вырашыў падыйсці да пытання з іншага боку. З акцэнтам на беларускай стылістыцы і гарадскіх адметнасцях, каб зрабіць горад своеасаблівым.

Выцінаны Губерт

На адным з тарцоў ён прапанаваў адлюстраваць легенду пра святога Губерта, на доме па вуліцы Кляновай — зрабіць выяву дрэва, а для Пралетарскай — сімвалы працы і ўрадлівасці. Усе малюнкі маюць стылістыку беларускіх выцінанак. «Мяркую, што гэта зробіць горад адметным і запамінальным. Праз такія роспісы можна выбудоўваць імідж горада, зразумелы для жыхароў і прывабны для турыстаў», — кажа мастак.

Яго меркаваннем, роспісы шматпавярховікаў можна нават спалучаць з планавымі рамонтамі. «Сёння тэхналогія дазваляе зэканоміць і аб’яднаць аднаўленне, уцяпленне і эстэтызацыю будынкаў. Ёсць распрацаваныя рэкамендацыі фірмаў, што выпускаюць матэрыялы і фарбы для рамонтаў».


Сланечнік, валошка і мак: У Гродне «расцвітаюць» шматпавярховікі


Кожнаму раёну сваё

У марах і планах мастака прапанаваць гораду канцэпцыі роспісаў для цэлых раёнаў. Напрыклад — адзін раён аздобіць партрэтамі дзеячоў культуры, што жылі і працавалі ў Гродне, іншы — пісьменнікаў.

«Было б цікава, каб нехта казаў, што жыву ў доме Быкава ці Карпюка. У еўрапейскім мастацтве такое зараз з’яўляецца. Было б добра, каб гарадскія ўлады пайшлі насустрач».

Прыклады дзясяткаў яскравых муралаў на сценах дамоў можна пабачыць у суседнім Беластоку. Яны сталі там знакамітасцю і турыстычнай атракцыяй. Ёсць там і мурал у стылі выцінанкі - на вуліцы Звежынецкай, насупраць інтэрнатаў Палітэхнікі.

Падзяліцца

Апошнія запісы

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025

У Гродна прыйшоў новы трэнд — ранішнія рэйвы ў кавярнях

Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…

31 сакавіка 2025

Нерухомасць тыдня: на Фолюшы прадаюць кватэру з размаляваным балконам і вокнамі ў парк

Калі вы хацелі жыць у кватэры з уласнай фрэскай, ды яшчэ і блізка да прыроды,…

29 сакавіка 2025