У Гродне 11 верасня на вуліцы Кабяка адкрыюць вялікую краму «Санта». У новым супермаркеце, акрамя звыклых аддзелаў, будзе куток скандынаўскай рыбы, гастра-зона, пякарня і піцэрыя. На адкрыцці абяцаюць раздалі 1000 пачкаў бясплатнага марозіва і столькі ж шароў для дзяцей.
«Санта» запрацуе ў мікрараёне Вішнявец і будзе чацвёртым у Гродне. Уладальнікі брэсцкай сеткі цалкам змянілі магазін унутры і звонку: уладкавалі шырокія праходы, памянялі вітрыны і спрасцілі навігацыю. У гандлёвай залі будзе скандынаўскі інтэр'ер з пражэктарамі і ўстаўкамі «пад дрэва». На фасадзе будынка ўжо з’явіліся панэлі блакітнага святла і белая шыльда з назвай сеткі.
На плошчы больш за 600 «квадратаў» збяруць 12 380 найменняў тавараў. Для захавання смаку і свежасці скорапсавальных прадуктаў усталявалі магутнае абсталяванне.
У супермаркеце прадставяць ўсе звыклыя аддзелы, у тым ліку мясны і малочны. Вялікім будзе выбар свежых гародніны і садавіны. Сярод асноўных адрозненняў - куток скандынаўскай рыбы, вылаўленай шхунамі адмыслова пад замову. Крама будзе адной з першых атрымліваць свежыя партыі морапрадуктаў.
Таксама запрацуе аддзел кулінарыі з паўфабрыкатамі і гатовымі стравамі - ад салата да сушы, будзе і свой грыль з курынымі ножкамі і крыламі. Здобу плануюць выпякаць ва ўласнай пякарні, а піцу — гатаваць на месцы паводле італьянскіх рэцэптаў. Каштаваць яна будзе 5,95 рубля.
На адкрыцці першым пакупнікам раздадуць 1000 пачкаў бясплатнага мароозіва, а дзецям — яшчэ і паветраныя шары. Перад уваходам сустрэнуць вядоўца і аніматар, прадугледжаны і конкурсы з падарункамі.
Супермаркет «Санта» ў Гродне адкрыецца 11 верасня, а 16 гадзіне на вуліцы Кабяка, 23.
Нагадаем, сетка «Санта» належыць да вядомага брэсцкага холдынгу, які таксама ўключае прадуктовага вытворцу «Санта Брэмар» і малочную кампанію «Савушкін прадукт». У гандлёвую сетку ўваходзіць каля 100 раздробных крамаў, а агульная колькасць супрацоўнікаў складае каля 3,5 тыс. чалавек.
Гродзенскія пункты выдачы заказаў Wildberries і Ozon аказаліся перапоўнены падарункамі для жывёл. Гэта вынік Таемнага…
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…