Абноўленай вуліцай Маладзёжнай задаволеныя аўтааматары і вадзіцелі грамадскага транспарту. А што палепшана па вуліцы для пешаходаў і веласіпедыстаў? Разбіраўся velogrodno.by.
Яшчэ ў пачатку 2019 года Гродзенскім выканаўчым камітэтам быў падпісаны план па зніжэнні бардзюрнага каменя, сярод якіх і вул. Маладзёжная. Адказнымі да выканання былі прызначаныя гродзенскае гарадское ЖКГ і Рамбудаўтадар.
Па вул. Маладзёжная мы назіраем цяпер выдатна паніжаныя бардзюры ў адным месцы (выезд з паркоўкі гасцініцы з боку піцэрыі).
Але з іншымі ёсць пытанні. Напрыклад, другі выезд з паркоўкі гасцініцы «Славія» веласіпедысту, інваліду ў калысцы, аднаму з бацькоў з дзіцем перасекчы па прамой, абыходзячы перашкоды, не атрымаецца, нягледзячы на тое, што і тут бардзюры панізілі.
Вышыня бардзюраў ў прамым напрамку на гэтым участку розная. Без паніжэння высокай часткі бардзюраў выезд прыйдзецца перасякаць па дыяганалі.
Але тут узнікае новая складанасць — прыпаркаваныя аўтамабілі. На абодвух выездах з паркоўкі гасцініцы бязладна паркуюць асабісты транспарт. На фатаграфіі ніжэй ўсе тры аўтамабіля не ў руху, а прыпаркаваны.
На супрацьлеглым баку вуліцы вышыня бардзюрных камянёў на шляху пешаходаў не змянілася. Хоць заезды для аўтамабіляў зроблены «у нуль».
Сярод стратэгічных мэтаў па развіццю веларуху г. Гродна ў 2017 годзе зацверджаны пункт «забеспячэнне поўнага безбар’ернага асяроддзя». Але як можна дасягнуць гэтай мэты, калі нават пры рамонце вуліцы даўжынёй 120 метраў бардзюрам надаецца ўвага выбарачна. Адзін з магчымых адказаў: «тратуар па вул.Маладзёжная з боку дома № 4 знаходзіцца па-за межамі работ, вызначаных праектам». Але чаму яго не ўключылі ў праект, калі там устаноўленыя бардзюры не адпавядаюць сучасным нормам?
«ВелоГродно» у КУП «Рамбудаўтадар» 6 жніўня накіравала ліст з просьбай паменшыць вышыню бартавога каменя (бардзюра) па ўсёй вуліцы Маладзёжная (у адпаведнасці з патрабаваннямі п. 5.4.8 ТКП 45−3.03−227−2010 «Вуліцы населеных пунктаў») для забеспячэння выгоды руху пешаходаў, веласіпедыстаў і маламабільных груп. Адказа не было.
Рамонт вуліцы скончаны. Бардзюры застаюцца на доўгія гады.
Шматгадзінныя чэргі, перфаратар і два акенца на рэгістрацыю. Дзяўчына схадзіла ў Гродзенскае агенцтва па дзяржаўнай…
Прадпрыемства "Гродна Азот" 12 лютага ў Telegram-канале анансавала конкурс да Дня роднай мовы. Да самога…
Палітзняволены з Гродна Кірыл Кетурка скончыў жыццё самагубствам у Цэнтры ўтрымання пад вартай у Варшаве-Служэўцы…
Былому сенатару і дырэктару «Краснасельскбудматэрыялы» Уладзіміру Кісялёву пагражае да трох гадоў калоніі за разгалашэнне службовай…
"Малочны Мір" абавязалі змяніць назву для серыі глазураваных сыркоў. Пасля чыёсьці скаргі ў Міністэрства антыманапольнага…
На Гагарына, 25 у Гродне прадаецца двухпакаёвая кватэра з выдатна захаваным постсавецкім інтэр'ерам. Дом, у…