У нядзелю ў гродзенскай Вялікай харальнай сінагозе адбыўся кірмаш Яўрэйскага цэнтра нефармальнай адукацыі. Галоўны акцэнт на ёй быў - знаёмства з клубамі. Арганізатары прадставілі пяць клубаў па розных кірунках: ад тэатральнага мастацтва да кулінарнага майстэрства, піша grodnonews.by.
— Любы ахвотны можа прыйсці і знайсці сябе ў клубе, які яму будзе цікавы. Мы скіраваныя на навучанне, заняткі будуць праходзіць у нефармальнай абстаноўцы і ад чалавека будзе залежаць, хоча ён вучыцца ці не, — распавёў Натан Шамсутдзінаў, дырэктар фонду «Кіслеў» і старшыня Гродзенскага грамадскага аб’яднання яўрэйскай культуры імя Лейба Найдуса.
На кірмашы прэзентавалі тэатральны клуб «Авангард», музычныя клубы «Блакіт» і «Free music», фотаклуб «Perspekriva» і кулінарны клуб «З усходу і на захад».
— На курсах могуць быць слухачы, якім проста цікавы той ці іншы кірунак. А вось у клубы будуць набірацца людзі, якія цікавяцца непасрэдна яўрэйскай культурай. Тэатр, напрыклад, будзе разглядацца ў кантэксце яўрэйскай культуры, — патлумачыў кіраўнік «Яўрэйскага Цэнтра нефармальнай адукацыі імя Фелікса Зандмана».
Наведвальнікі кірмашу змаглі не толькі пазнаёміцца з дзейнасцю клубаў і пакаштаваць традыцыйныя стравы яўрэйскай кухні, напрыклад, але і па жаданні ўступіць у любы з упадабаных.
— Упершыню наведала нешта падобнае. Мне спадабалася. Я меламан, таму мяне асабліва зацікавіў музычны клуб. Яшчэ паглядзела як гатаваць «Харосет». Аказваецца, гэта страва цікава не толькі сваёй назвай, але і смакам. Трэба будзе паспрабаваць прыгатаваць самастойна. Наогул нефармальная адукацыя дазваляе па-іншаму зірнуць на тое, што адбываецца вакол, навучыцца нечаму і даведацца для сябе нешта новае, — распавядае адна з наведвальніц кірмашу, Анастасія Артамонава.
Па словах арганізатараў, сёлета пройдзе яшчэ адна кірмаш. Ён адбудзецца ў Вялікай харальнай сінагозе ў верасні.
Гродзенцы не ацанілі новыя канструкцыі для кветак на Савецкай. У красавіку на пешаходнай вуліцы ўсталявалі…
Тры злачынствы за "экстрэмізм" распачалі супраць падлеткаў у Гродзенскай вобласці ў 2024 годзе. У тым…
«Такіх месцаў і ў свеце не так многа, а ў Беларусі нічога падобнага проста няма», —…
Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…
Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…
Макраздымак райка (рус. - радужки) вока можна зрабіць у Гродне на вул. Будзённага. Закаханым прапануюць…