1161 парушальнік. ДАІ рэгіёну падвяла вынікі дэкады дзяржтэхагляду

На мінулым тыдні завяршылася дэкада дзяржтэхагляду. З кожным годам усё менш транспартных сродкаў бывае на станцыях дыягностыкі. Для параўнання: у 2013 годзе на станцыях дыягностыкі выдавалі па за 250 000 дазволаў у год на допуск да ўдзелу ў дарожным руху, у 2018 іх было 180 000. Карэспандэнт «Гродзенскай праўды» разам з супрацоўнікамі ДАІ пабывала ў рэйдзе і пацікавілася ў кіроўцаў, чаму яны не праходзяць дзяржтэхагляд.

— Па ўсёй краіне і ў нас у вобласці з кожным годам скарачаецца колькасць выдадзеных дазволаў на допуск да ўдзелу ў дарожным руху. Расце і колькасць ДТЗ з-за тэхнічных няспраўнасцяў аўтамабіляў. Колькасць загінуўшых у такіх аварыях ўзрасла на 66,7%, а параненых на 73,9%. У Брэсцкай вобласці кіроўца грузавога аўтамабіля з прычэпам не справіўся з кіраваннем, не змог спыніць грузавік з-за няспраўнай тармазной сістэмы і сутыкнуўся з маршрутным таксі. У выніку адзін чалавек загінуў і 21 атрымаў раненні. У Гродзенскай вобласці з пачатку гэтага года было выяўлена больш за 18 000 аўтамабіляў без адзнакі дзяржтэхагляду. І мы, дарэчы, не ставім мэту выявіць як мага больш аўто без допуску, часцей за ўсё гэта сучлененыя парушэнні. Напрыклад, кіроўца перавышае хуткасць, супрацоўнікі ДАІ спыняюць яго і высвятляюць, што адзнакі дзяржтэхагляду няма, гэта парушэнне можа выяўляцца і ў ходзе праверкі дакументаў на дарозе. А вось у рамках рэйдаў надзяляем гэтаму асаблівую ўвагу, — распавёў начальнік УДАІ УУС аблвыканкама Уладзімір Назарка.

Усяго за час рэйдавых мерапрыемстваў праваахоўнікі сумесна з супрацоўнікамі белдзяржтэхагляда выявілі 1161 аўтамабіль без допуску да ўдзелу ў дарожным руху.

— Лічба немаленькая, і, скажу шчыра, мы меркавалі такі зыход. Але асноўная задача гэтай дэкады — прафілактычная. Важна, каб кіроўцы памяталі пра тое, што ёсць шмат тэхнічных няспраўнасцяў, пра якія можна даведацца толькі на дыягнастычнай станцыі. І калі своечасова гэтага не зрабіць, то наступствы могуць быць сумнымі, — адзначыў начальнік аддзялення агітацыі і прапаганды УДАІ УУС аблвыканкама Андрэй Цыдзік.


Адным з тых, каго спынілі супрацоўнікі ДАІ, быў грамадзянін Расіі. Апошні раз ён атрымаў афіцыйны допуск да ўдзелу ў дарожным руху ў 2016 годзе. Расіянін патлумачыў, што не жыве пастаянна ў Беларусі. Па прыездзе тэхагляд праходзіў, але допуск не атрымаў з-за якое трэснутага лабавога шкла. З такім на дарогу выязджаць нельга.

Сярод парушальнікаў быў і жыхар Польшчы. Апошні раз ён атрымаў афіцыйны допуск да ўдзелу ў дарожным руху ў 2017 годзе. Растлумачыў, што не можа прайсці тэхагляд з-за англійскай фары. Яна адрозніваецца ад беларускай, так як у Англіі правабаковы рух. Знайсці новую і памяняць усё не збярэцца, растлумачыў парушальнік.

Адзін з кіроўцаў сказаў, што ён рэдка ездзіць на гэтай машыне, і не бачыць сэнсу ісці на станцыю, бо там акрамя платы за дыягностыку трэба ўнесці транспартны падатак. Але гэта не дае яму права выязджаць на дарогу на такім аўто. Аднак супрацоўнікі ДАІ заўсёды ўлічваюць спадарожныя фактары і наяўнасць папярэдніх парушэнняў. Калі штрафная гісторыя кароткая, то кіроўцу могуць вынесці папярэджанне. Так было з жанчынай, у якой тэрмін дзеяння допуску скончыўся ў 2018 годзе. Сярод злосных парушальнікаў яна не лічыцца, ды і выхоўвае чацвярых дзяцей.

— Я адна, гэта не так проста. Дзецям заўсёды нешта трэба, і паездка на станцыю увесь час адкладаецца на потым. Калі б можна было гэтую суму заплаціць часткамі, было б лягчэй, — сказала кіроўца.

Вельмі часта кіроўцы, каб пазбегнуць адказнасці, казалі, што пакінулі дакументы дома. Лёгка праверыць, ці было аўто на станцыі дыягностыкі, — дастаткова патэлефанаваць супрацоўніку белдзяржтэхагляда, паведаміць дадзеныя, і сістэма адразу расставіць усе кропкі над «і».

Спецыялісты падкрэсліваюць, што без спецыялізаванага абсталявання нельга ўбачыць усе няспраўнасці аўтамабіля, і ніхто не ведае, у які момант можа адбыцца паломка. І тут ужо кошт пытання не беларускія рублі, а чалавечыя жыцці.

Падзяліцца

Апошнія запісы

«Будзе капаць на галовы» — што гродзенцы думаюць пра новыя кветкавыя аркі на Савецкай

Гродзенцы не ацанілі новыя канструкцыі для кветак на Савецкай. У красавіку на пешаходнай вуліцы ўсталявалі…

24 красавіка 2025

Студэнта з Гродна будуць судзіць за паведамленні ў «Беларускі Гаюн»

Тры злачынствы за "экстрэмізм" распачалі супраць падлеткаў у Гродзенскай вобласці ў 2024 годзе. У тым…

24 красавіка 2025

Цэгла са слядамі пальцаў, найстарэйшая свідравіна Гродна і двор для мерапрыемстваў. Якім стане комплекс былога піўзавода Brovar Hrodna

«Такіх месцаў і ў свеце не так многа, а ў Беларусі нічога падобнага проста няма», —…

24 красавіка 2025

На могілках у Гродне з’явілася пліта расійскага салдата, які ваяваў супраць Украіны

Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…

23 красавіка 2025

Як будзе выглядаць стогадовы дом у стылі канструктывізму на Міцкевіча пасля перабудовы: праект

Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…

23 красавіка 2025

У Гродне можна зрабіць здымак райка вока — паслуга падабаецца парам

Макраздымак райка (рус. - радужки) вока можна зрабіць у Гродне на вул. Будзённага. Закаханым прапануюць…

23 красавіка 2025