Стан атмасфернага паветра ў Гродне – добрае, здавальняюча адзначаюць спецыялісты. Заборы пробаў паветра робяцца штодня чатыры разы на суткі на трох дыскрэтных станцыях назірання за станам атмасфернага паветра і адной аўтаматычнай. І гранічна дапушчальная канцэнтрацыя забруджвальных рэчываў не бывае не тое, што перавышаная – а нават блізка не падыходзіць да крытычных адзнакаў, піша grodnoplustv.by.

– Назіранне у нас праводзіцца па асноўных забруджвальных рэчывах: дыяксід азоту, аксід вугляроду, цвёрдыя часціцы і ў летні перыяд у нас яшчэ праводзіцца назіранне за фармальдэгідам і за спецыфічнымі забруджвальнымі рэчывамі – аміяк. Таму што ў нас зона ўплыву прадпрыемства «Азот». Па цвёрдым часціцам у нас перавышэння няма, звычайна яго не бывае. Па аксіду вуглярода – 0,1 – 0,3 ГДК максімальна разавая, гэта значыць, калі ГДК 5000 мкг/м3, то ў нас – да тысячы значэння, нават менш, – кажа Людміла Макей, начальнік аддзела філіяла «Гроднааблгідрамет».

Станцыі назірання за станам паветра ў горадзе размяшчаюцца ў некалькіх кропках – па вуліцы Магістральнай – недалёка ад прадпрыемства «Азот», паблізу пазменнай школы – у цэнтры горада Гродна, і яшчэ адна – у раёне плошчы Дзекабрыстаў. Устаноўлены яны былі тут яшчэ ў мінулым стагоддзі, у 70-80 гадах. У хуткім часе, паабяцалі спецыялісты, у Гродне з’явіцца больш аўтаматычных станцый, якія будуць аналізаваць стан атмасфернага паветра, што дазволіць яшчэ больш якасна адсочваць сітуацыю і ў выпадку неабходнасці, прымаць меры як мага хутчэй.

Калі вы знайшлі ў тэксце памылку або абдрукоўку, калі ласка, паведаміце нам, выбраўшы адпаведны фрагмент і націснуўшы клавішы Ctrl+Enter.

Spelling error report

The following text will be sent to our editors: