На Альшанцы хочуць стварыць скверы і паркавыя зоны імя Агінскага і Орды

У Гродне збіраюць подпісы за стварэнне сквераў і паркавых зон. Іх хочуць назваць у гонар герояў, чые імены і так носяць вуліцы на Альшанцы. А яшчэ ў межах акцыі на будынках могуць з’явіцца выявы гэтых герояў. Такую кампанію запусціў Яўген Дудкін у межах грамадскай ініцыятывы «Наша Альшанка».

 — Праблема, якая існуе — гэта, па-першае, наяўнасць вельмі моцнага ветру. Па-другое, тыя зоны, якія існуюць, засеяныя дрэўцамі. Але яны мала прыдатныя да росту, бо там маленькі слой добрай зямлі, як заўважаюць спецыялісты. Па-трэцяе, вельмі файна названыя вуліцы ў гонар нашых землякоў, якія вядомыя не толькі ў Беларусі, але і ў Польшчы, і ў Літве, і Францыі. Агінскі, Багушэвіч, Караткевіч, Орда. Але пра іх мала хто ведае, — расказвае Яўген Дудкін.

Ён з паплечнікамі вырашыў спалучыць прыемнае з карысным — адукацыю, культуру і адпачынак людзей. Яўген кажа, што гэта лепшы варыянт, каб людзі даведаліся пра сваіх славутых землякоў і мелі магчымасць добра адпачыць менавіта ў сваім мікрараёне. А таксама гэта часткова вырашыць пытанне моцнага ветру ў мікрараёне.

Толькі паркамі ініцыятыва не абмяжуецца. Таксама хочуць размясціць на дамах выявы людзей, у гонар якія названы вуліцы. А яшчэ дадаць на вуліцы раёна стэнды з інфармацыяй ад розных арганізацый кшталту ЖЭСа ці мясцовых крамаў. Там жа могуць быць важныя дзяржаўныя дакументы, лічыць Яўген.

 — Калі мы паглядзім на мясцовае самакіраванне ў еўрапейскіх гарадах, там гэта існуе пры парках. Гэта вельмі добра. Там ёсць інфармацыя пра канцэрты, якія могуць хутка адбывацца, ці іншыя культурна-масавыя мерапрыемствы. І ўлада такім чынам камунікуе — прыходзіць туды, куды прыходзяць людзі.

Збіраць подпісы плануюць да пачатку верасня. Прапанову занясуць у гарвыканкам, паразмаўляюць з дэпутатамі абласнога і гарадскога саветаў. Плануецца сустрэча з жыхарамі. Таксама можна падпісаць петыцыю.

Апошнія запісы

Глебу ў Гродне правераць на заражанасць баршчэўнікам

На Румлёўскім праспекце ў Гродне ўзвядуць транспартную развязку. Грунт у раёне абследуюць на заражанасць насеннем…

29 красавіка 2025

На Ласасянцы з’явяцца масткі і пляж. Там будзе парк адпачынку на Фолюшы

У мікрараёне Фолюш у Гродне ўзвядуць парк адпачынку. Яго хочуць зрабіць камфортным для моладзі і…

29 красавіка 2025

У цэнтры Гродна закрылася крама спорттавараў, якая працавала больш за 30 гадоў

Гродзенцы звярнулі ўвагу, што з будынка па вуліцы Ажэшкі, 42 знікла шыльда «Спорттавары». Instagram-акаўнт крамы…

28 красавіка 2025

Фільм на кітайскай раскажа пра Гродна і яго «інвестыцыйную прывабнасць»

Іміджавы фільм аб інвестыцыйнай прывабнасці Гродна задумалі ў гарвыканкаме. На яго выдаткуюць бюджэтныя грошы. Відэа…

28 красавіка 2025

У Гродне з’явіўся амерыканскі дэсерт — печыва з рознымі начыннямі

У Гродне пачалі прадаваць «крамбл кукіс» — амерыканскае печыва з рознымі дадаткамі і салодкімі топінгамі.…

28 красавіка 2025

Назву гурта Dzieciuki і яго сацсеткі прызналі «экстрэмісцкімі». Падобна, што «экстрэмісцкай» стала і першая беларускамоўная газета

Сацсеткі панк-гурта з Гродна Dzieciukі і сам гэты надпіс у Беларусі прызналі "экстрэмісцкімі матэрыяламі". Паводле фармулёўкі…

27 красавіка 2025