Адзін з перформансаў Мікалая Саляніка. Фота spring96.org.
У пачатку жніўня Палітрада АГП прыняла рашэнне выключыць з сваіх шэрагаў Мікалая Саляніка, які ўзначальваў Гродзенскую абласную структуру партыі, n*.by.
Рэч у тым, што ў 7 ліпеня Салянік быў абраны гродзенскім кіраўніком незарэгістраванага Беларускага нацыянальнага кангрэсу, які ўзначальвае Мікалай Статкевіч.
Кіраўніцтву АГП такое сумяшчэнне пасадаў не спадабалася. Яны паставілі перад спадаром Салянікам выбар: альбо з намі, альбо з БНК. Партыец абраў кааліцыю.
Выканаўца абавязкаў кіраўніка АГП Мікалай Казлоў кажа, што Салянік парушыў статут партыі. «Ён не можа займаць адначасова кіруючую пасаду ў іншай арганізацыі», — кажа Казлоў.
Сам Салянік гаворыць, што гэтае рашэнне супярэчыць і статуту, і здароваму сэнсу. Маўляў, гэта не партыя, а кааліцыя. «Партыя павінна супрацоўнічаць з усімі дэмакратычнымі сіламі, якія стаяць за перамены», — сказаў гродзенскі актывіст.
Па словах Саляніка, супраць ягонага выключэння выступалі прадстаўнікі гомельскай і брэсцкай абласных арганізацый. «Самых масавых», — удакладняе мужчына.
«Не спадабалася гэта в.а. кіраўніка партыі, — гаворыць Салянік. — Кіраўніком ён ніколі і не будзе. Хай зробяць хаця б столькі, колькі Гродзенская абласная арганізацыя зрабіла. Я ведаю, што ўжо падаў заяву аб выхадзе з АГП Анатоль Мышкевіч, будуць яшчэ некалькі хлопцаў».
Мікалую Саляніку 65 гадоў, ён родам з Дубровенскага раёна Віцебскай вобласці. Працаваў аграномам у Гродзенскім раёне. Быў начальнікам упраўлення сельскай гаспадаркі Гродзенскага райвыканкама, дырэктарам птушкафабрыкі, дырэктарам калгаса. Цяпер пенсіянер. Неаднаразова затрымліваўся за сваю палітычную дзейнасць.
Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…
Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…
Макраздымак райка (рус. - радужки) вока можна зрабіць у Гродне на вул. Будзённага. Закаханым прапануюць…
У Нацыянальным агенцтве па турызме прапануюць распрацаваць экскурсію "Па святынях Воранаўшчыны". Аўтар зможа зарабіць 2820…
Раней Дом быту на Замкавай, 4 спрабавалі прадаць ужо чатыры разы. У час аўкцыёну, які…
У Threads беларус Дзяніс выказаў здзіўленне наконт таго, што ў гасцініцах і гатэлях Гродна ўсе…