Аранжавы ўзровень небяспекі з-за моцных дажджоў, навальніц і ветру абвешчаны ў Беларусі 8 жніўня, паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Будзе пераважаць воблачнае надвор’е, пройдуць дажджы. Ноччу месцамі, раніцай і днём на большай частцы тэрыторыі чакаюцца моцныя дажджы, навальніцы. У ранішнія гадзіны ў асобных раёнах магчымы слабы туман. Вецер прагназуецца паўднёва-заходні, днём з пераходам на паўночна-заходні 5−10 м/с, з парывамі да 14 м/с, у другой палове дня ў многіх раёнах — да 15−20 м/с.
Тэмпература паветра ўначы складзе 13−19 градусаў вышэй за нуль. Днём будзе 17−23 градусы, па паўднёвым усходзе — плюс 24−29.
