Гродзенскі гарадскі выканаўчы камітэт абвяшчае 2 тур адкрытага гарадскога конкурсу па стварэнні канцэпцыі турыстычнага брэнда горада Гродна (1 тур конкурсу праходзіў з 16 красавіка па 26 лiпеня 2019 года). Гэта другая спроба сабраць цікавыя ідэі для брендавання горада.
Працоўная група ўдакладніла патрабаванні да лагатыпа. Эскіз просяць зрабіць арыгінальным, простым і запамінальным, выразным і зразумелым у любым памеры. Да лога трэба прыдумаць слоган на беларускай, рускай і англійскай мовах, які будзе лёгка чытацца. Ад аўтара ідэі чакаюць прапаноў, як яе рэалізаваць у якасці брэнда, як яго развіць і дзе выкарыстоўваць.
Лагатып горада павінны не страчваць значэння ў каляровым і чорна-белым варыянтах, быць прыдатным да размяшчэння на розных носьбітах і матэрыялах. У лагатыпе павінна быць «разыначка», схаванае пасланне, ён не павінны быць візуальна перагружаным. Ён мае сімвалізаваць нейкія якасці горада, ствараць асацыяцыі, але толькі дарэчныя, без негатыўных тлумачэнняў, адзначаюць арганізатары конкурсу.
Больш падрабязна аб патрабаваннях можна пачытаць у Палажэннях аб правядзенні 2 тура адкрытага гарадскога конкурсу па распрацоўцы канцэпцыі турыстычнага брэнда г. Гродна.
Работы павінны быць аформлены згодна з тэхнічным заданнем.
Заяўкі на ўдзел прымаюць да 17.00 22 верасня 2019 года на электронную пошту gikfiz@t*t.by.
За ідэі новых удзельнікаў можна будзе галасаваць на сайце grodnoplustv.by з 27 верасня па 13 кастрычніка 2019 года. Пасля гэтага 10 лепшых аўтараў па выніках галасавання пакажуць прэзентацыю сваіх работ для сябраў працоўнай групы.
Аўтары 5 выбраных у першым туры работ і ідэй, адабраных пасля другога тура, правядуць для сябраў журы выніковую прэзентацыю. Пераможцам стане ўдзельнік, які набраў больш за ўсё балаў на глядацкім галасаванні і ад членаў журы.
Па рашэнні працоўнай групы конкурс можа быць працягнуты.
Кантактны тэлефон: +375 152 68 98 05 (аддзел спорту і турызму Гродзенскага гарадскога выканаўчага камітэта).
Гродзенцы звярнулі ўвагу, што з будынка па вуліцы Ажэшкі, 42 знікла шыльда «Спорттавары». Instagram-акаўнт крамы…
Іміджавы фільм аб інвестыцыйнай прывабнасці Гродна задумалі ў гарвыканкаме. На яго выдаткуюць бюджэтныя грошы. Відэа…
У Гродне пачалі прадаваць «крамбл кукіс» — амерыканскае печыва з рознымі дадаткамі і салодкімі топінгамі.…
Сацсеткі панк-гурта з Гродна Dzieciukі і сам гэты надпіс у Беларусі прызналі "экстрэмісцкімі матэрыяламі". Паводле фармулёўкі…
У Гродне на продаж выставілі дом на 2-м Падольным завулку - па суседстве з рэстаранам…
Міліцыя Грjдзенскай вобласці маніторыла Інтэрнэт і занепакоілася "нацызмам" сярод школьнікаў. Яны "зігуюць", слухаюць музыку Трэцяга…