Салдат, які праходзіць тэрміновую службу ў Гродне, 23 ліпеня здзейсніў спробу суіцыду. Пра гэта паведаміў адзін з тэлеграм-каналаў.
Здарэнне адбылося ў 6-й асобнай гвардзейскай механізаванай брыгадзе, якая базуецца ў Гродне. Шэраговец разведвальнага батальёна Андрэй Шчарбакоў (ён быў прызваны ў траўні 2019 года) нанёс сабе цялесныя пашкоджанні. Кроў заўважылі калегі па службе. Хлопца выратавалі.
Прэс-сакратар Міністэрства абароны Уладзімер Макараў сказаў s**boda.org, што 23 ліпеня ў адной з вайсковых частак гродзенскага гарнізону зафіксаваны «дэманстрацыйна-ўстановачныя дзеянні, якія маюць прыкметы замаху на злачынства „наўмыснае калечанне“».
Ён сказаў, што праводзіцца праверка па ўсіх кірунках. Салдата накіруюць таксама ў медыцынскую ўстанову.
«Калі гэтыя прыкметы пацвердзяцца, то будзе пачатая крымінальная справа. Гэта не з’яўляецца замахам на самагубства, бо чалавек, які ўчыняў гэтыя дзеянні, ведаў пра бяспеку дзеянняў, якія ён рабіў», — сказаў Уладзімер Макараў.
Што падштурхнула вайскоўца да гэтага ўчынку, паводле Макарава, таксама будуць высвятляць.
«Дагэтуль ён неаднаразова казаў пра суіцыдальныя намеры. Хоць гэты выпадак не зʼяўляецца спробай суіцыду, бо спроба прадугледжвае дзеянні, якія не прывялі да смяротнага зыходу з прычыны, якая не залежыць ад самога чалавека. Гэта менавіта дэманстрацыйна-ўстановачныя дзеянні».
У Гродне выступіць Ілля Шынкарэнка — малады музыка, які набыў папулярнасць дзякуючы свайму беларускамоўнаму TikTok.…
У Навагрудку завяршаецца пяты этап рэканструкцыі замка. Тут з'явіліся фартыфікацыйныя сцены з высокай металічнай брамай…
Курсанта Акадэміі МУС, 21-гадовага Іллю Нарышкіна, асудзілі на 15 гадоў пазбаўлення волі ў калоніі ўзмоцненага…
У Гродне на продаж выставілі старую воданапорную вежу ў мікрараёне Фолюш. Паводле ўмоў аўкцыёна, там…
Анестэзіёлаг-рэаніматолаг з 3-й мінскай дзіцячай бальніцы публікавала ў Х (Twitter) пасты пра сваю нянавісць да…
Пасля негалоснай забароны на правядзенне свята ў Беларусі буйныя вечарынкі напярэдадні Дня ўсіх святых амаль…