Эксклюзіўная інфармацыя ад спікераў бізнес-лагера, нефармальнае навучанне і жывая камунікацыя — усё гэта чакае ўдзельнікаў Лiпень.PRO. Ужо 26−28 ліпеня маладыя бізнесмены і прадпрымальнікі атрымаюць веды ў галіне бізнесу ля берага ракі Нёман (90 км. ад Мінска). Удзельнікі паслухаюць больш за 25 выступаў вядомых бізнесменаў, зададуць свае пытанні знакамітым асобам Беларусі і даведаюцца аб трэндах ў тэхналогіях і бізнесе.
Сёлета будуць закрануты даволі актуальныя тэмы: асабісты брэнд, сфера digital, эфектыўныя продажы, тайм-менеджмент. Ужо вядомыя імёны большасці спікераў:
Аляксандр Ханін — заснавальнік «Мозгобойни», раскажа як працаваць менш і быць шчаслівым;
Аляксандр Хоміч — саўладальнік і дырэктар «АндерсенБел» падзеліцца інфармацыяй пра тое, ці ёсць бурбалка ў IT-рынку і ці варта «ісці ў АйЦі»;
Андрэй Бібікаў - акцёр тэатра і кіно, тэле- і радыёвядучы дапаможа ў пастаноўцы вашага голасу;
Ігар Маханек — вядучы інжынер Facebook (Нью-Ёрк), бізнес-анёл раскрые сакрэт: як знайсці ідэю для стартапа;
Алег Парэчын — сазаснавальнік і дырэктар кавярні «Гараж» падзеліцца 10-гадовай гісторыяй кафэ і інш.
У 2019 годзе арганізатары лагера падрыхтавалі новы блок з блогерамі!
У фармаце «пытанне-адказ» слухачы змогуць задаць свае пытанні вядомым бізнес-блогерам Беларусі. Вядомыя імёны некалькіх блогераў: Андрэй Карповіч (@thekarpovich; 97,2 тыс. падпісчыкаў) — Дырэктар і заснавальнік Еўрапейскай металургічнай кампаніі, блогер;
Антон Кароткі (@ anton.karotki; 73,6 тыс. Падпісчыкаў) — Арганізатар самай буйной у гісторыі Беларусі канферэнцыі Бізнес-Абуджэнне і інш.
Акрамя адукацыйнай праграмы, вечарам арганізаваны зоны з нестандартнымі забаўкамі: майстар-клас па ігры на Хангу, зона з кальянамі, караоке і шмат іншых актыўнасцяў. У бізнэс-лагеры праходзяць і спартыўныя мерапрыемствы: футбол, валейбол, рукапашныя баі, паласа перашкод і да т.п. Для аматараў інтэлектуальных гульняў таксама знойдзецца занятак: вялікі квэст, бізнес-гульні, майстар-клас ад астролага.
І вядома, за 2,5 дні ўдзельнікі змогуць завесці карысныя кантакты, знайсці супрацоўнікаў, альбо працу, а можа і сустрэць сваю другую палоўку! Бо ў гэтым годзе бізнес-лагер збярэ больш за 600 прадпрымальнікаў, топ-менеджэраў, фрылансераў і актыўных людзей з Беларусі і бліжэйшага замежжа.
Для ўсіх удзельнікаў арганізаваны трансфер з Мінска, пражыванне ў намётах і нумарах і харчаванне напрацягу ўсяго адпачынку.
Падрабязнасці на сайце.
Бізнес-форум «Лiпень.PRO» праводзіцца грамадскім аб’яднаннем «Таварыства садзейнічання інавацыйнаму бізнэсу» (ОСИБ) пры падтрымцы Агенцтва ЗША па міжнародным развіцці (USAID).
Кантактная інфармацыя:
Па ўсіх пытаннях супрацоўніцтва, публікацый і дадатковай інфармацыі звяртайцеся да Вікторыі Сачыўка.
+375 (33) 612−60−19
Ліпень. PRO ў сац. сетках: