У Гродне можа з’явіцца міжнародны аўтавакзал у раёне «Трыніці»

Дарога на ўезд у горад з боку мікрараёна Вішнявец, якая заканчваецца скрыжаваннем вуліц Купалы і праспекта Кляцкова, была зачынена на рэканструкцыю 23 красавіка гэтага года. Яна ўжо не спраўлялася з моцна ўзрослым аўтамабілепатокам на гэтым участку, рух у гадзіны пік быў сур’ёзна абцяжараны. Гандлёва-забаўляльны комплекс «Трыніці» — самы вялікі ў Беларусі - таксама патрабаваў змяненняў у прылеглай інфраструктуры.

Згодна з планамі, заканчэнне рэканструкцыі гэтага ўчастка дарогі павінна было адбыцца бліжэй да восені, аднак разумеючы, колькі нязручнасцяў гэтая рэканструкцыя прыносіць жыхарам мікрараёнаў Вішнявец і Пагараны-Кашэўнікі, будаўнікі завяршылі працу з апярэджаннем тэрмінаў. У аўторак рух па дарозе ад вуліцы Купалы быў запушчаны — усяго было абноўлена 1360 м дарожнага ўчастка, паведамляе grodnoplustv.by.

— Да рэканструкцыі яна ўяўляла сабой трохпалосны ўчастак дарогі - гэта значыць, дзве паласы былі на ўезд у горад, адна — на выезд. У цяперашні час рэканструкцыяй прадугледжана па дзве паласы руху ў кожны бок і плюс яшчэ для развароту грамадскага транспарту было ўладкована кальцо ў раёне чацвёртай клінічнай бальніцы. У цяперашні час скончаны практычна ўсе працы, засталіся толькі працы па добраўпарадкаванні прылеглай тэрыторыі, па ўладкаванні аўтобусных прыпынкаў, малых архітэктурных формаў, — кажа Аляксандр Марцулевіч, галоўны інжынер прадпрыемства «Гроднааўтадар».

У бліжэйшай перспектыве — пуск тралейбусных маршрутаў, неабходная для гэтага інфраструктура тут прадугледжаная праектам. Абнаўленне гэтага ўчастка дарогі стала магчымым, у тым ліку, дзякуючы будаўніцтву найбуйнейшага ў Беларусі гандлёва-забаўляльнага комплексу «Трыніці». Тут плануецца каля 58 тысяч квадратных метраў гандлёвых плошчаў, такім чынам — сур’ёзны паток наведвальнікаў, у тым ліку — на аўтамабілях.

— Ні адзін гандлёвы цэнтр у Беларусі не мае такой вялікай колькасці паркінгаў і такіх зручных пад’ездаў і заездаў на гэтыя паркінгі. 2100 машынамесцаў на двух паркінгах на пяці розных стаянках. Гэта значыць, у нас ёсць з аднаго боку гандлёвага цэнтра двухузроўневы паркінг, з другога боку — трохузроўневы. Увесь рух транспарту вакол «Трыніці» закальцаваны і заезды і выезды будуць максімальна зручныя, — кажа Юрый Фядзюк, кіраўнік аддзела гандлёва-забаўляльнага комплексу «Трыніці».

Акрамя таго, неаднаразова агучвалася ідэя стварэння міжнароднага аўтавакзала на тэрыторыі комплексу. Першы крок на шляху да рэалізацыі гэтай задумкі ажыццяўлены — тут будуць размяшчацца канчатковы і дыспетчарскі пункты прыпынкаў маршрутнага таксі, у прыватнасці, маршрутаў «Гродна — Мінск».

Апошнія запісы

«Будзе капаць на галовы» — што гродзенцы думаюць пра новыя кветкавыя аркі на Савецкай

Гродзенцы не ацанілі новыя канструкцыі для кветак на Савецкай. У красавіку на пешаходнай вуліцы ўсталявалі…

24 красавіка 2025

Студэнта з Гродна будуць судзіць за паведамленні ў «Беларускі Гаюн»

Тры злачынствы за "экстрэмізм" распачалі супраць падлеткаў у Гродзенскай вобласці ў 2024 годзе. У тым…

24 красавіка 2025

Цэгла са слядамі пальцаў, найстарэйшая свідравіна Гродна і двор для мерапрыемстваў. Якім стане комплекс былога піўзавода Brovar Hrodna

«Такіх месцаў і ў свеце не так многа, а ў Беларусі нічога падобнага проста няма», —…

24 красавіка 2025

На могілках у Гродне з’явілася пліта расійскага салдата, які ваяваў супраць Украіны

Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…

23 красавіка 2025

Як будзе выглядаць стогадовы дом у стылі канструктывізму на Міцкевіча пасля перабудовы: праект

Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…

23 красавіка 2025

У Гродне можна зрабіць здымак райка вока — паслуга падабаецца парам

Макраздымак райка (рус. - радужки) вока можна зрабіць у Гродне на вул. Будзённага. Закаханым прапануюць…

23 красавіка 2025