Стан гульнявых пляцовак правяраюць супрацоўнікі камітэта дзяржаўнага кантролю Гродзенскай вобласці. Кожнае лета, калі дзеці ў разы часцей гуляюць у двары, ідзе пільны маніторынг, наколькі бяспечныя месцы для вольнага часу, піша grodnoplustv.by.
З 2006 года ў Беларусі існуе адзіны стандарт бяспекі гульнявых дзіцячых пляцовак. Яго патрабаванні абавязковыя для ўсіх вытворцаў і пастаўшчыкоў дзіцячага гульнявога надворнага абсталявання. Стан дзіцячых пляцовак павінен падтрымлівацца і своечасова добраўпарадкавацца. Са слоў супрацоўнікаў дзяржкантролю, да іх сцякаюцца нават калектыўныя скаргі. Як правіла, яны датычацца добраўпарадкавання і ўзвядзення новых пляцовак.
— На гарачую лінію толькі за 2 тыдні паступіла больш за 20 званкоў. Змест — гэта цвікі, адсутнасць агародж, наяўнасць бітых цаглін, камянёў. Не абнаўляецца афарбоўка дзіцячых гульнявых формаў. Не створаны бяспечныя ўмовы знаходжання дзяцей на дадзеных пляцоўках, — кажа Таццяна Слабыш, начальнік упраўлення Камітэта дзяржаўнага кантролю Гродзенскай вобласці.
У старых раёнах, адзначаюць спецыялісты, неабходны рамонт, у новых — дадатковыя арэлі і горкі. Да прыкладу, у Альшанцы. Раён малады, дзяцей дастаткова. Месцаў для паўнавартаснага адпачынку усім не хапае. Аднак тут, у адрозненне ад двароў у старых пабудовах, бяспечна. Фолюш, наадварот, раён сфармаваны. Пляцовак хапае, толькі вось скаргі ад жыхароў, кажуць у УЖРЭП, часта паступаюць. І не столькі на стан дзіцячай тэрыторыі, колькі на паводзіны дарослых: курэнне і распіццё алкагольных напояў. Адсюль зламаныя лавачкі і арэлі. Тым не менш, што тычыцца абсталявання пляцоўкі, праблемныя пытанні зведзены да мінімуму.
Ва УЖРЭП праблемы з дзіцячымі пляцоўкамі не адмаўляюць. Але і ахвотна ставяць у прыклад тыя, дзе самі жыхары падтрымліваюць парадак і ствараюць камфорт для сябе і сваіх дзяцей. Зразумела, там, дзе ў тэрміновым парадку патрэбен рамонт, адкладаць яго не збіраюцца, напрыклад, па адрасе Фолюш, 200.
Прывесці ў належны стан дзіцячыя пляцоўкі ў названы дзяржкантролем тэрмін, або, як мінімум, абгарадзіць патэнцыйна небяспечныя элементы пляцовак, — задача першасная. Інакш уласнікаў гэтых аб’ектаў: жыллёвы кааператыў, камунальныя службы або ўстанова адукацыі - прыцягнуць да адказнасці. Да 19 ліпеня Камітэт дзяржкантролю Гродзенскай вобласці павінен атрымаць інфармацыю аб прынятых мерах.
У найбліжэйшыя месяцы ў Поразаве плануюць адкрыць Дом банкухі. Тут можна будзе паўдзельнічаць у майстар-класе…
Міліцыя Гродна адпраўляе адбыўшых пакаранне на працы ў Гродзенскую агароднінную фабрыку. Зараз на ўліку ў…
На Дзевятоўцы прадаюць трохпакаёвую кватэру на апошнім паверсе 16-павярховага дома. Акрамя шыкоўнага выгляду на палі…
У акцыях на 9 траўня, прысвечаных святкаванню 80-годдзя перамогі, вырашылі задзейнічаць жывёл. Сабаку па мянушцы…
Супрацоўнікі "Гродназелянбуда" ўжо ўпрыгожваюць аркі на Савецкай кветкамі. У сацсетках з'яўляецца ўсё больш відэа з…
У траўні на даху комплексу «Бровар Гродна» з'явіўся флюгер. Пры рэстаўрацыі гродзенскага піўзавода інвестару было…