У Альфа-Банка ёсць сваё медыя, а ў ім — самыя розныя артыкулы, далёка не заўсёды на тэму грошай. Зараз рэдакцыя Альфа-Now выпускае серыю «смачных» гайдаў па гарадах Беларусі. Аўтарка і мастачка Лена Чурсінава падрыхтавала агляд, у якім параўнала гродзенскія славутасці з ежай.
Аўтарка піша:
Гэтаму рэцэпту 891 год, ён адзін з самых старажытных у Беларусі. І я вас запэўніваю, кожны можа яго пакаштаваць. Ніякіх складанасцяў у падрыхтоўцы гэтага смачнага горада няма, тут галоўнае выконваць усе асноўныя правілы. Бярэм трохі польскіх каралёў, змешваем з літоўскімі князямі, дадаем трошкі ўнікальных архітэктурных ансамбляў, не забываем пакласці адзін з галоўных інгрэдыентаў - старадаўнія замкі, усё запраўляем цудоўнымі цэрквамі і прыгожымі касцёламі… І, вядома, апраўляем страву ракой Нёман. Вуаля, смачны горад-казка.
Далей яна параўноўвае асобныя знакавыя месцы горада з рознымі стравамі.Стары замак выклікае асацыяцыі з маркоўна-апельсінавы пірагом. «Аснову гэтага яркага дэсерта складае вар’яцка далікатны маркоўны бісквіт з грэцкім арэхам. Сакавіты пышны бісквіт з праслойкай з салодкага сметанкова-тварожнага крэму з апетытнай глазурай і элегантнымі ноткамі карыцы і цытруса».
Драмтэатр нагадвае аўтарцы аб міжземнаморскай пасце з морапрадуктамі. «Сакавітыя крэветкі, буйныя гарачыя мідыі, саладкавы кальмар, прыпраўлены далікатны соус і італьянскі пармезан, які пакідае ветлівы паслясмак — усё гэта надае дзіўны водар і выклікае імгненны апетыт, а лімонныя ноты робяць пасту лёгкай і прыгожа ўсё прычэсваць».Савецкая нагадвае аўтарцы збор самых розных дэсертаў: тут і паўлава, і напалеон, і цірамісу …
«Далікатная тэкстура, сметанковы водар і мядова-арэхавыя ноты — такія адчуванні выклікае гарадскі парк, — піша аўтарка. — Менавіта класічнае свежае сырнае асарці з сезоннымі ягадамі і высакародным прасекка дакладна перадасць гэты смак».Цалкам гайд па Гродне можна прачытаць у Alfa-Now.
