3 ліпеня на працягу ўсяго дня на плошчы Савецкай праходзіў этап Лігі Еўропы па баскетболе 3×3. У цэнтры горада за пуцёўку ў наступны этап змагалася 12 каманд з 7 краін. Пераможцам стала каманда з Белграда.
У фінале сербскія баскетбалісты адолелі спартсменаў з «Астравец Росатам». Яны ўзялі грашовы прыз і прайшлі ў наступны этап, які пройдзе ў Рызе.
Вулічны фармат баскетбола ў цэнтры Гродна прыйшлі паглядзець сотні гледачоў. А за інтэрнэт-трансляцыяй сачылі амаль 100 тысяч чалавек.
