Як і планавалі дарожныя будаўнікі, учора атрымалася адкрыць для руху вуліцу Вялікую Траецкую. Першыя аўтамабілі паехалі па ніжнім слою асфальту. Спецыялісты на працягу двух тыдняў будуць назіраць за станам пакрыцця і, калі палатно не дасць прасадак, вуліцу перакрыюць яшчэ на два дні, паклаўшы фінальны пласт асфальту.
Карэспандэнт «АвтоГродно» паглядзеў аб’ект у момант адкрыцця.
Каля пяці вечара будаўнікі прыбралі агароджу, але яшчэ не прыбіралі знакі. Так хацелі даць магчымасць будаўнічай тэхніцы пакінуць вуліцу.
Гэтым адразу ж скарысталіся аўтамабілісты, пачаўшы рух па вуліцы.
Як паведамляюць нашы чытачы, цяпер вуліца поўнасцю адкрыта для руху.
Дарэчы, праца на тратуарах працягнецца і на наступным тыдні.
