Ратавальнікі АСВОД знялі з выспы пасярод Нёмана двух жанчын, якія плавалі па рацэ на надзіманым матрацы.
Гэта адбылося 15 чэрвеня, піша belta.by са спасылкай на Гродзенскую абласную арганізацыю АСВОД. Дзве жанчыны плавалі па Нёмане на матрацы. У нейкі момант ён здзьмуўся. Яны апынуліся на востраве пасярод ракі. Супрацоўнікі выратавальнай станцыі Ласосна падплылі да іх на лодцы і даставілі на бераг.
Таксама на станцыі Ласосна ў мінулыя выхадныя аказвалі дапамогу нецвярозаму плаўцу. Мужчына вырашыў пераплысці Нёман, аднак на сярэдзіне ракі знясілеў і пачаў тануць. Яго паспелі выратаваць.
У раёне станцыі Цэнтральная на Нёмане 16-гадовы хлопец выплыў за буйкі, і яго падхапіла плынь. Сам справіцца з ракой юнак ня здолеў, выратавалі супрацоўнікі станцыі. Яшчэ аднаго 21-гадовага хлопца выратавалі на возеры Юбілейнае ў Гродне, ён заплыў за буйкі і страціў сілы. Усяго з пачатку года ў вобласці выратавалі 18 чалавек, у тым ліку 4 дзяцей, а 22 чалавекі патанулі.
З 5 красавіка ў Гродне талоны на праезд у гарадскім грамадскім транспарце даражэюць на 10…
У Гродне на Віленскай, 37 адкрыўся новы буцік-гатэль і рэстаран The Cult - і выклікаў…
Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…
На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…
Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…
Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…