«Тут знакавая зямля». У Каложскім парку праходзіць фестываль сярэднявечнай культуры

У Гродне 15 чэрвеня стартаваў першы фестываль сярэднявечнай культуры «Мяжа». Ён сабраў каля сотні рэканструктараў з розных куткоў Беларусі. Прыехалі і госці з Варшавы.

У Каложскім парку рэканструктары паспрабавалі ўзнавіць атмасферу Еўропы і Вялікага княства Літоўскага эпохі Сярэднявечча. Тут можна ўбачыць паходны лагер, сярэднявечны кірмаш, рыцарскія і лучныя турніры, а таксама выступы музыкаў, танцораў і вулічных артыстаў.

«Мы рады, што нам удалося даць пачатак фестывалю ў Гродне, — распавядае адзін з арганізатараў Кірыл Арэшкаў. — Мы думаем, ён будзе развівацца і паляпшацца з гадамі. І спадзяемся, што ён калі-небудзь стане сусветнавядомым. Сёння мы разлічвалі на большую колькасць удзельнікаў, але не ўсе даехалі - узніклі цяжкасці з транспартам».

Арганізатары адмыслова абралі фестывальнай пляцоўкай Каложскі парк. Кажуць, лепшага месца для такіх мерапрыемстваў у горадзе не знайсці.

«Гэта адзін з гістарычных цэнтраў нашага горада. Тут знакавая зямля і шмат чаго адбывалася. Лепшай пляцоўкі для сярэднявечнага фэсту, чым Каложскі парк у Гродна, не знайсці. Для нас, рэканструктараў, і для гледачоў фестываль гэта паглыбленне ў іншы свет, гэта нешта новае, але адначасова і мінулае. Ты вывучаеш, як жылі твае продкі, як змагаліся і многае іншае. А ўсё гэта вельмі адрозніваецца ад нашага сучаснага жыцця», — дадаў Кірыл.

У Каложскім парку фестываль будзе праходзіць да 23:00. Як пацямнее, арганізатары абяцаюць начны бугурт і фаер-шоў.















Падзяліцца

Апошнія запісы

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025