У Гродне шукаюць пару, якая зняла грошы з чужых картак. Відэа

Шпацыруючы па вуліцы ў Гродне, даволі дарослая пара знайшла сумку. Яны зазірнулі ўнутр і ў адным з адсекаў выявілі кошелёк, грошай было няшмат, але былі карткі і паперка з пін-кодамі да іх.

Як паведамляе УУС Гродзенскага аблвыканкама, мужчына і жанчына, якія знайшлі сумку з кашальком, узялі чужыя банкаўскія карткі і скіраваліся ў аддзялення пошты ў цэнтры горада і ў раёне вуліцы Дамброўскага. Там жанчына перадавала касірам чужыя карткі і прасіла зняць з іх грошы.

Пазней пара ўжо здзяйсняла пакупкі ў краме, цяпер іх шукаюць. Міліцыя просіць тых, хто нешта ведае аб грамадзянах на відэа (жанчына ў светлай кофце і акулярах і мужчына ў белай кашулі і сумкай праз плячо), патэлефанаваць па тэлефонах: 8 (029) 784-68-98 альбо 102. Самім жа ім варта прыйсці ў міліцыю, каб разабрацца ў тым, што здарылася.

Каментары

Spelling error report

The following text will be sent to our editors: