12 чэрвеня выйшла новая кніга Андрэя Павача пад назвай «Гродно. За (зеркалье)». Выданне распавядае пра гродзенскія гісторыі з інтэрнэту. Аўтар (пад псеўданімам хаваюцца два гродзенскія гісторыкі) збіраў матэрыялы цягам некалькіх год.
Новая кніга Павача гэта не цалкам пераказ таго, што ёсць на Гродзенскім форуме ці ў сацыяльных сетках. Аўтар збіраў цікавыя каментары і гісторыі ад гродзенцаў, апрацоўваў матэрыл, змяняў парадак і рэдагаваў. Галоўнае было захаваць сутнасць гісторый, каб не падмяняць галасы герояў.
«Паспрабаваў зрабіць так, каб у чытача склалася ўражанне, што ён проста чытае старонку ў Фэйсбуку ці форум. Важно было зрабіць жыццёва, — распавядае Андрэй Павач. — Новая кніга гэта чарговая спроба падыйсці да гісторыі Гародні трошкі інакш. Усе мы, жыхары горада, ствараем гэтую гісторыю, але часцяком сярод навукоўцаў гісторыяй лічыцца толькі тое, што пачынаецца пасля смерці асобаў-носбітаў гэтай гісторыі. І вось мы чакаем, калі нарэшце надыдзе час, каб узгадаць 1980−90-я і таксама пачатак 2000-х гг. Ужо сёння вырасла новае пакаленне гродзенцаў-юнакоў, якія і не ўяўляюць той час. Таму вельмі цікава было звярнуцца да першакрыніцаў, успамінаў жывых гродзенцаў. І такія ўспаміны нечакана адшукаліся ў сеціве на старонках гродзенскіх форумаў і сацыялных сетак. Гэтая кніга і ёсць галасы, узгадкі саміх гродзенцаў, якія мы сабралі і падалі ў тым амаль выглядзе, як яны ёсць у інтэрнеце».
Новая кніга гэта чарговы крок, каб пашырыць уяўленне гродзенцаў не толькі пра гісторыю, але і ўласна пра свой горад.
«Усе гэтыя тэмы так ці інакш абмяркоўваліся, ці да, ці пазней. Таму ўсе гэтыя пытанні актуальныя, пачынаючы ад гродзенскіх фрыкаў, танэляў, падземных хадоў, ці нават банальнае пытанне: „Дзе ў 90-х можна было выпіць?“. Спадзяюся, што ў выданні шмат хто знойдзе вельмі знаёмыя некалі ўзгадкі, а магчыма нехта захоча падзяліцца сваімі ўспамінамі і значна пашырыць гэтае гродзенскае залюстроў'е», — дадаў Павач.
Кніга «Гродно. За (зеркалье)» пакуль выйшла ў пробным варыянце. Хутка яна з’явіцца ў продажы ў выдавецтве"Юрсапрынт". Прэзентацыя адбудзецца ў Цэнтры гарадскога жыцця, дата вызначаецца.
Гіды і экскурсаводы ў Беларусі цяпер павінны ведаць асновы дзяржаўнай ідэалогіі. Такое патрабаванне з'явілася ў…
Айцец Андрэй Крот з Гродна быў у дэлегацыі беларускіх святароў, якая сустрэлася з новым пантыфікам.…
Фатаграфія кабінкі для перапранання на пляжы ў Ласосна патрапіла ў рэдакцыю Hrodna.life. Драўляныя балкі ў…
Псіхолага і дырэктарку ліквідаванага Гродзенскага дзіцячага хоспісу Вольгу Вялічку выключылі са спісу дэлегатаў Каардынацыйнай Рады…
Мужчына вяртае ў гняздо буслам птушаня, якое выпала, - такое відэа ў апошні тыдзень набірае…
Гарадскі выпускны пройдзе 13 чэрвеня на Савецкай плошчы. Запланавана ўрачыстае шэсце і выступленні беларускіх артыстаў.…