Гродна і вобласць прызналі найлепшымі ў краіне па спорце

На сайце Гродзенскага гарадскога выканаўчага камітэта з’явілася інфармацыя, што згодна з загадам Міністэрства спорту і турызму Беларусі ад 2019/06/06, № 305 «Аб выніках рэспубліканскага агляду-конкурсу на найлепшую пастаноўку фізкультурна-аздараўленчай і спартыўна-масавай работы за 2018 год» сярод абласных цэнтраў першае месца прысудзілі аддзелу спорту і турызму Гродзенскага гарвыканкама.

Цікава, што наш аддзел спорту і турызму прызнаюць лепшым другі год запар, а да гэтага, як распавялі ў гарвыканкаме, такое здаралася даўно, яшчэ ў 90-я — пачатку 2000-х.

Начальнік аддзела, Яўген Ародзь, лічыць, што вынікаў і прызнання дапамагла дамагчыся агульнагарадская круглагадовая спартакіяда, якую праводзяць у Гродне і сярод школьнікаў, і са студэнтамі, і на прадпрыемствах, і праца на гарадскіх святах.

«Мы стараемся кожнае гарадское свята ператварыць і ў спартыўнае, каб у кожным быў спартыўны складнік», — патлумачыў Яўген Ародзь.

У горадзе два фізкультурна-аздараўленчых цэнтра, досыць спартыўных школ, гэта дапамагае кансалідавана рыхтаваць і праводзіць спартовыя мерапрыемствы.

«Гэта ацэнка работы міністэрствам. Мы самі ведаем свае недахопы, мы не спачываем на лаўрах. У нас вельмі шмат мерапрыемстваў, «Гарадзенская вандроўка» — толькі адно з іх. Калі б не захварэў, сам бы пабег «, — прызнаўся начальнік аддзела.

Стала известна дата веломарафона «Суседзi». В этом году добавят еще одну дистанцию

Сярод абласцей і г. Мінска першае месца прысуджана Упраўленню спорту і турызму Гродзенскага аблвыканкама, сярод аграгарадкоў і іншых населеных пунктаў першае месца аддалі аграгарадку Васілішкі Шчучынскага раёна Гродзенскай вобласці.

Сярод клубаў па фізічнай культуры і спорце, якiя ствараюцца ў арганізацыях, другое месца заняло ААТ «Беллакт» з Ваўкавыску Гродзенскай вобласці.