Кіроўца трапіў у ДТЗ і заблакаваў рух у цэнтры Гродна. Яго просяць аплаціць 190 рублёў за прастой тралейбусаў

22 сакавіка ў цэнтры Гродна сутыкнуліся два аўтамабілі, заблакаваўшы рух больш чым на гадзіну. Зараз віноўнік аварыі атрымаў ліст ад Тралейбуснага ўпраўлення. У яго просяць у добраахвотным парадку пакрыць прадпрыемству 190 рублёў выдаткаў, піша autogrodno.by. На такую суму «тралейбуснага ўпраўлення» страціла даходы і выканала дадатковы аб’ём работ.

— Сапраўды, аварыя адбылася па маёй віне, — распавёў autogrodno.by Аляксей, якому прыйшоў «ліст шчасця». Тады малады чалавек на Volvo рухаўся па вуліцы Кірава і вырашыў праскочыць скрыжаванне з вуліцай Сацыялістычнай, па якой ужо пачаў рух Citroen.

Пасля аварыі разбітыя аўтамабілі так і засталіся на скрыжаванні, перакрыўшы рух усяму астатняму транспарту.

— Мы не маглі раз’ехацца па Еўрапратаколе. Пашкоджанні у Citroen былі значнымі. Я чуў, што ўладальніку трэба каля 2 000 рублёў на рамонт. У мяне рамонт нашмат больш бюджэтны, старэнькі Volvo пашкодзіўся мінімальна. Мы адразу звярнуліся ў ДАІ і пачалі чакаць інспектараў. Паводле ПДР нельга пакідаць месца аварыі. Так мы прачакалі амаль 50 хвілін: у той час усе інспектары былі занятыя. Да нас нават патруль ДПС пад’язджаў.

Аляксей успамінае, што пасля прыезду інспектараў яны вызвалілі дарогу менш чым за 10 хвілін.

Зараз кіроўца даведаўся, што яму неабходна пакрыць Тралейбуснаму ўпраўленню 190 рублёў і 2 капейкі. Ён атрымаў падрабязную калькуляцыю выдаткаў ад прадпрыемства, з якіх вынікае, што Аляксей перашкодзіў праезду тралейбусаў 10 маршрутаў, а дакладней «сарваў» рух 20 рэйсаў. Упраўленню прыйшлося арганізаваць яшчэ 5 дадатковых рэйсаў тралейбусаў.

— Цалкам не апраўдваю свой учынак. Праз маю памылку сотні людзей стаялі ў заторы. Прыношу свае прабачэнні, — кажа малады чалавек. — Але зараз сума ў 190 рублёў для мяне занадта высокая, сябры раяць мне звярнуцца ў Тралейбуснае ўпраўленне з просьбай аб памяншэнні гэтай сумы.

Аляксей і яго сябры задаюцца пытаннямі, чаму неабходна аплачваць выдаткі толькі Тралейбуснага ўпраўлення. Можа быць у бліжэйшы час яго папросяць пакрыць страты Аўтобусны парк і будаўнічыя арганізацыі, у якіх, напрыклад, сарваліся тэрміны пастаўкі бетону або асфальту? А можа быць, цяпер Аляксею пачнуць пісаць і гродзенцы, у якіх праз затор парушыліся планы?

Сітуацыя Аляксея далёка не адзінкавая. Так, раней чытачцы autogrodno.by Таццяне прыйшоў ліст на аплату 25 рублёй. Яна заблакавала рух тралейбусаў на Новым мосце на 30 хвілін.

Падзяліцца

Апошнія запісы

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025