Гродзенскі «Нёман» 25 мая буйна саступіў у Брэсце мясцоваму «Дынама» — 6: 1. З падобным лікам жоўта-зялёныя яшчэ ні разу не прайгравалі свайму прынцыповым суперніку.
Раней самымі буйнымі няўдачамі гродзенцаў у «Заходнім дэрбі» былі гульні 23 чэрвеня 2010 і 19 жніўня 2016. Тады гродзены прайгравалi 4:0.
Cёлета ў Брэсце добры пачатак паказалі падапечныя Ігара Кавалевіча: ўмела абараняліся і актыўна гулялі на контратаках. Рассадкін, Якімаў і Лягчылін мелі добрыя моманты для ўзяцця варот брэстчан, але дзесьці гродзенцам не хапала дакладнасці. «Дынама» таксама спачатку не шанцавала, але на 36-й хвіліне пасля блытаніны ў штрафной гродзенцаў, першым на мячы апынуўся Лапцеў, які і адкрыў лік у матчы. Праз 4 хвіліны Фамейе павялічыў перавагу «Дынама». На перапынак каманды сыходзілі пры ліку 2:0.
На пачатку другога тайма Брэст забівае і трэці мяч. Хабленка ўцёк ад гродзенскіх абаронцаў і моцным ударам патрапіў у вароты Курганскага. На 59-й хвіліне Найок робіць лік 4:0. На 68-й хвіліне Дуартэ са штрафнога зрабіў 5:0. Гродзенцы здолелі размачыць лік толькі на 72-й хвіліне. Бабічаў удала падставіў нагу пасля прастрэла ў штрафной «Дынама». А кропку ў матчы на 83-й хвіліне паставіў экс-гулец «Нёмана» Павал Савіцкі.
«Дынама-Брэст»: «Нёман» — 6:1
Галоўны трэнер «Нёмана» Ігар Кавалевіч падзяліўся эмоцыямі пасля разгромнай паразы ад «Дынама»:
«Прайграў сёння трэнер. Я не чакаў такога развіцця падзей, да 35-й хвіліны гулялі добра. Гэта мая параза, яе прымаю. Два моманту было ў нас у першым тайме, але гэта ўсяго толькі эпізоды. Мы не валодаем вялікім бюджэтам. Майстэрства ў Брэста на самым высокім узроўні. Моцныя па выканаўцам гульцы. Але як бы там ні было, гэта плявок у мой бок. Калі прайграваць, то ў мужчынскай барацьбе. Я прызнаю сваю паразу. Лягчылiна нават выкарыстоўвалі ў атацы. Не было з каго выбіраць. Аляксей згуляе на любой пазіцыі, добры гулец. Рабілі змены ў гульні з таго, што было магчыма», — сказаў Кавалевіч.
З пачатку чэмпіянату, да гульні ў Брэсце «Нёман» прапусціў усяго 7 мячоў у 8 матчах. Пасля паразы ў дэрбi дадалося яшчэ цэлых 6. Для каманды Кавалевіча гэта сур’ёзная праблема.
Пасля перамогі над «Нёманам» Брэст вярнуўся на першы радок у турнірнай табліцы і мае 23 ачка. «Нёман» жа на 8-м месцы (13 ачкоў).
Свой наступны матч «Нёман» правядзе ў Гродне 2 чэрвеня і будзе прымаць «Славію».
Міліцыя Грjдзенскай вобласці маніторыла Інтэрнэт і занепакоілася "нацызмам" сярод школьнікаў. Яны "зігуюць", слухаюць музыку Трэцяга…
Дыялогавая пляцоўка для бізнесменаў з Беларусі і Польшчы прайшла ў Гродне 25 красавіка. Мясцовыя ўлады…
Гродзенцы не ацанілі новыя канструкцыі для кветак на Савецкай. У красавіку на пешаходнай вуліцы ўсталявалі…
Тры злачынствы за "экстрэмізм" распачалі супраць падлеткаў у Гродзенскай вобласці ў 2024 годзе. У тым…
«Такіх месцаў і ў свеце не так многа, а ў Беларусі нічога падобнага проста няма», —…
Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…