Навіны

На «Мове Нанова» ў Гродне выступіў Алесь Чумакоў з рок-н-рольнымі гуслямі

«Мова Нанова» сышла на летнія канікулы. На апошніх занятках наведвальнікі расказвалі, якія тэмы хочуць яшчэ прайсці, і фантазавалі, якіх герояў можна запрасіць. Скончыліся заняткі выступам Алеся Чумакова з гурта «Стары Ольса».

Вядоўцы курсаў расказваюць, што з навучэнцамі ў іх склаліся амаль сямейныя адносіны. «Аўдыторыя вельмі класная. Нават калі ты не маеш навыкаў вядоўцы, яны зараджаюцца самі і зараджаюць цябе», — кажа Вераніка Парманчук. Яна расказвае, што ёй часта пішуць з моўнымі пытаннямі. І гэта добра, бо мова пашыраецца. А вядоўцы спадзяюцца пашырыць яе ўжыванне яшчэ больш.

Наведвальнікі хочуць закрыць прабелы ў вывучэнні граматыкі, пунктуацыі. Хочуць больш даведацца пра гродзенскую тапаніміку, тарашкевіцу, лацінку, неалагізмы. Хочуць убачыць блогера Сцяпана Святлова, гурты Dzieciuki і Nizkiz, акцёра гродзенскага тэатра, ідэолагаў. Таксама ім цікава паслухаць жывых носьбітаў мовы і з’ездзіць на экскурсіі па Гродзеншчыне. Яны гатовы больш практыкавацца, спаборнічаць у квізах і займацца актывізмам — напрыклад, зладзіць масавую прыборку.

Алесь Чумакоў расказаў пра планы гурта «Стары Ольса». Зараз яны рыхтуюцца прэзентаваць дзве песні і адзначыць 20-годдзе гурта. У лістападзе святочны канцэрт будзе ў Мінску, але абяцаюць даехаць і да Гродна.

Музыкант расказаў пра свае «рок-н-рольныя» гуслі. У свой час ён вывучаў гэты інструмент, а цяпер ужо зрабіў уласнаруч іх больш за сотню, і можа навучыць на іх граць. На занятках ён праспяваў песні на беларускую сучасную паэзію, ваенную паэзію і нават пераклады ірландскіх песень. Да канца мая музыкант плануе выдаць сольны дыск. Набыць яго ў Гродне можна будзе ў краме «Адметнасць».

Падзяліцца

Апошнія запісы

Нерухомасць тыдня: у Гродне прадаюць дом з ажурным балконам у 60 метрах ад Нёмана

У Гродне на продаж выставілі дом на 2-м Падольным завулку - па суседстве з рэстаранам…

26 красавіка 2025

Школьнікі з Гродна трапілі пад прафілактыку за «зігаванне» і нацысцкую сімволіку

Міліцыя Грjдзенскай вобласці маніторыла Інтэрнэт і занепакоілася "нацызмам" сярод школьнікаў. Яны "зігуюць", слухаюць музыку Трэцяга…

25 красавіка 2025

У Гродне правялі беларуска-польскі форум для бізнесменаў. Гаварылі пра важнасць Расіі

Дыялогавая пляцоўка для бізнесменаў з Беларусі і Польшчы прайшла ў Гродне 25 красавіка. Мясцовыя ўлады…

25 красавіка 2025

«Будзе капаць на галовы» — што гродзенцы думаюць пра новыя кветкавыя аркі на Савецкай

Гродзенцы не ацанілі новыя канструкцыі для кветак на Савецкай. У красавіку на пешаходнай вуліцы ўсталявалі…

24 красавіка 2025

Студэнта з Гродна будуць судзіць за паведамленні ў «Беларускі Гаюн»

Тры злачынствы за "экстрэмізм" распачалі супраць падлеткаў у Гродзенскай вобласці ў 2024 годзе. У тым…

24 красавіка 2025

Цэгла са слядамі пальцаў, найстарэйшая свідравіна Гродна і двор для мерапрыемстваў. Якім стане комплекс былога піўзавода Brovar Hrodna

«Такіх месцаў і ў свеце не так многа, а ў Беларусі нічога падобнага проста няма», —…

24 красавіка 2025